Category: Hadisə

Aprel döyüşlərinin şəhidi Orxan Hümbətovun atası dünyasını dəyişib. Şəhid atası 63 yaşlı Kazım Hümbətov ötən gün xəstəlikdən vəfat edib. Mərhum Şəkinin Kiş kəndində dəfn olunacaq. Qeyd edək ki, Xüsusi Təyinatlı Qüvvələrin giziri Orxan Hümbətov 2016-cı ilin Aprel döyüşlərində Talış kəndi istiqamətində döyüş tapşırığının yerinə yetirilməsi zamanı şəhid olub. Ölümündən sonra göstərdiyi qəhrəmanlığa görə Prezident İlham Əliyevin Sərəncamı ilə “Hərbi xidmətdə fərqlənməyə görə” III dərəcəli medalı ilə təltif edilib. (Unikal)

Read More

İmişlidə baş verən qəzada 3 nəfər ölüb. Hadisə İmişli şəhərində qeydə alınıb. Yük avtomobili ilə “VAZ 21099” markalı avtomobilin toqquşması nəticəsində “Vaz 21099″un sürücüsü və 2 qadın sərnişin ölüb. Faktla bağlı araşdırma aparılır. (APA)

Read More

Bakı Ağır Cinayətlər Məhkəməsinin keçmiş hakimi Ənvər Seyidov 76 yaşında vəfat edib. Teleqraf-ın əldə etdiyi xəbərə görə, o, avqustun 2-də müalicə olunduğu Mərkəzi Gömrük Hospitalında dünyasını dəyişib. Mərhum Yasamal qəbiristanlığında dəfn olunacaq. Qeyd edək ki, Ənvər Seyidov 1949-cu il martın 29-da Oğuz rayonunda anadan olub. Azərbaycan Dövlət Universitetinin hüquq fakültəsində təhsil alıb. Əmək fəaliyyətinə 1964-cü ildən başlayan hüquqşünas səhiyyə və rabitə sahəsində müxtəlif işlərdə çalışıb. Zaqatala və Cəlilabad rayon məhkəmələrinin hakimi, Cəlilabad Rayon Məhkəməsinin sədri vəzifəsində işləyib. 1990-cı ildən Ali Məhkəmənin, 2000-ci ildən Ağır Cinayətlərə dair Məhkəmənin, 2011-ci ildən 2019-cu…

Read More

Dələduzluğa görə axtarışda olan şəxslər saxlanılıb. Bu barədə Musavat.com-a Daxili İşlər Nazirliyindən məlumat verilib. Bildirilib ki, polis əməkdaşlarının avqustun 1-də keçirdikləri əməliyyat tədbirləri ilə dələduzluğa görə axtarışda olan 5 nəfər saxlanılaraq istintaqa təhvil verilib.

Read More

Bakı Şəhər Dövlət Yol Polisi  İdarəsinin əməkdaşları yol hərəkəti qaydalarını davamlı şəkildə pozaraq digər hərəkət iştirakçılarının da sağlamlığı üçün real təhlükə yaradan “Lada” markalı, 99-PD-057 dövlət qeydiyyat nişanlı nəqliyyat vasitəsinin sürücüsü Fariz İsmayılovu saxlayıb. Bu barədə Musavat.com-a Daxili İşlər Nazirliyinin Mətbuat xidmətindən məlumat verilib. Bildirilib ki, sənədləri yoxlanılan zaman sürücünün hərəkətləri şübhə doğurduğundan onun tibbi müayinədən keçməsi təmin olunub. Müayinə zamanı F.İsmayılovun narkotik vasitə qəbul etməsi də müəyyən olunub. Sürücü barəsində İnzibati Xətalar Məcəlləsinin müvafiq maddələrinə əsasən inzibati protokol tərtib edilərək baxılması üçün aidiyyəti məhkəməyə göndərilib. Məhkəmənin qərarı ilə F.İsmayılovun sürücülük…

Read More

Bərdədə suda boğulan 16 yaşlı oğlanın kimliyi açıqlanıb. Hadisə Tərtər çayının Bərdə rayonu Zümürxan kəndindən keçən hissəsində toplanmış su gölməçəsində baş verib. Kənd sakini, 2009-cu il təvəllüdlü Nihad Bəhrəm oğlu Rüstəmov həmkəndliləri ilə çimərkən suda boğularaq ölüb. Faktla bağlı Bərdə Rayon Prokurorluğunda araşdırma aparılır. (Oxu.Az)

Read More

İyulun 20-si Yevlaxda içkili halda Kür çayında boğulan şəxsin meyiti tapılıb. Kür çayının Yevlax şəhərindən keçən hissəsində batmış 1987-ci il təvəllüdlü Bərdə sakini Sənan Əliyevin meyiti iyulun 31-i saat 23:20 radələrində tapılıb. Meyit Bakı-Qazax avtomobil yolunun Yevlax şəhərinə giriş hissəsində, Kür çayının üzərindən keçən körpünün alt hissəsində aşkar edilib. Faktla bağlı araşdırma aparılır. (Qafqazinfo)

Read More

Sabunçu rayonu, Aeroport şosesi, köməkçi yolda minik avtomobillərindən birində yanğın baş verib. Bu barədə Musavat.com-a Daxili İşlər Nazirliyi Nəqliyyatı İntellektual İdarəetmə Mərkəzindən bildirilib. Hətəkətdə olan digər nəqliyyat vasitələrinin sürücülərinin hadisə yerinə baxması səbəbindən mərkəz istiqamətində sıxlıq yaranıb. Polis əməkdaşları tərəfindən sıxlığın aradan qaldırılması üçün tədbirlər görülür.

Read More

Uzun müddət prokurorluq orqanlarında müxtəlif vəzifələrdə çalışmış Nazim Ağamirzəyev vəfat edib. Bu barədə onun yaxınları bildiriblər. 67 yaşlı sabiq prokurorun xəstəlik səbəbindən həyatını itirdiyi qeyd edilib. Qeyd edək ki, N.Ağamirzəyev Baş Prokurorluqda xüsusilə mühüm işlər üzrə müstəntiq, DİO-nun istintaq, təhqiqat və əməliyyat-axtariş fəliyyətində qanunların icrasına nəzarət idarəsinin prokuroru vəzifələrində çalışıb. O, İsmayıllı, Binəqədi və Biləsuvar rayonlarında da prokurorluq orqanlarında çalışıb. Xatırladaq ki, 2018-ci ildə N.Ağamirzəyev işdən qanunsuz çıxarıldığını bildirərək Baş Prokurorluğu məhkəməyə vermişdi. 2017-ci ildə isə o, atalığın mübahisələndirilməsi iddiası ilə məhkəməyə verilmişdi və həmin prosesi uduzmuşdu./Qafqazinfo.az/

Read More

Laçının Güləbird kəndində mürəkkəb relyefli dağlıq ərazidə yanğın olub. Bu barədə Musavat.com-a Fövqəladə Hallar Nazirliyindən məlumat verilib. Bildirilib ki, nazirliyin “112” qaynar telefon xəttinə Laçın rayonunun Güləbird kəndində mürəkkəb relyefli dağlıq ərazidə yanğın baş verməsi barədə məlumat daxil olub. Məlumatla əlaqədar dərhal əraziyə FHN-in Dövlət Yanğından Mühafizə Xidmətinin və Aviasiya dəstəsinin qüvvələri cəlb olunub. Nazirliyin qüvvələri tərəfindən görülmüş zəruri və təxirəsalınmaz tədbirlər sayəsində dağlıq ərazidə baş vermiş yanğın geniş əraziyə yayılmasına imkan verilmədən qısa müddətdə söndürülüb.

Read More