Category: İdman

Azərbaycanın paracüdo üzrə milli komandasının üzvü İlham Zəkiyev (+90 kq, J1) İtaliyanın Kalyari şəhərində keçirilən Avropa çempionatının qalibi olub. “Report”un xəbərinə görə, o bütün rəqiblərinə qalib gələrək çempionatın qızıl medalını qazanıb. Bununla da 42 yaşlı ikiqat Olimpiya və ikiqat dünya çempionu İlham Zəkiyev 8-ci dəfə Avropanın ən güclüsü olub. Azərbaycan millisinin digər üzvləri Zakir Mislimov (90 kq, J1), Xatirə İsmiyeva (+70 kq, J1) və Dürsədəf Kərimova (+70 kq, J2) isə bürünc medala sahib olublar. Qeyd edək ki, sentyabrın 2-si Namiq Abbaslı və İsmayıl Muradov bürünc medal qazanmışdı. Beləliklə, Azərbaycan millisi…

Read More

“Vətənim adına ilkə imza ataraq, Avropa çempionatının gümüş medalını qazandığım üçün çox şadam”. Bu sözləri Çexiyanın paytaxtı Praqadakı Avropa çempionatında gümüş medal qazanan Azərbaycanın qadın şahmatçısı Günay Məmmədzadə öz “Facebook” hesabında qeyd edib. Qrosmeyster bu günlərdə hər kəsin dəstəyini hiss etdiyini bildirib: “Hər birinizə təşəkkür edirəm. Yola davam”. Qeyd edək ki, Azərbaycanın digər şahmatçısı Ülviyyə Fətəliyeva Avropa çempionatında bürünc medala sahib olub.

Read More

Çexiyanın paytaxtı Praqada keçirilən qadın şahmatçılar arasında Avropa çempionatında sonuncu – XI turun oyunları keçirilib. “Report”un xəbərinə görə, turnir cədvəlinin 2-ci pilləsində olan Günay Məmmədzadə Aleksandra Maltsevska (Polşa), Gövhər Beydullayeva Nana Dzaqnidze (Gürcüstan) və Ləman Hacıyeva Yolanta Zavadska (Polşa) ilə heç-heçə edib. Ülviyyə Fətəliyeva Azərbaycan millisindən komanda yoldaşı olan Gülnar Məmmədova, Xanım Balacayeva Alisiya Sliviçka (Polşa) və Səbinə İbrahimova Mixalina Rudzinska (Polşa) üzərində qələbə qazanıb. 44 yaşlı lider Monika Soçko (Polşa) Lilit Mkrtçyanla (Ermənistan) heç-heçə edərək xalını 8,5-ə qaldırıb və Avropa çempionu olub. Gülnar Məmmədzadə 8 xalla gümüş, eyni xal…

Read More

Məşhur Azərbaycan gimnastı, Barselona-1992 olimpiadasının qalibi Valeri Belenki yeddi illik fasilədən sonra Bakıya gəlib. “CBC Sport” əfsanəvi idmançı ilə həmsöhbət olub. Azərbaycan haqqında danışarkən kövrələn Belenki buradakı xatirələri və gələcək planları haqqında danışıb. Qeyd edək ki, Valeri Belenki üçqat dünya çempionudur. O, Bakıda doğulub-böyüyüb. Azərbaycanın idman gimnastı Valeri Belenki 1992-ci ildə Barselona Yay Olimpiya Oyunlarının komanda hesabında qızıl və çoxnövçülük üzrə bürünc medallarını qazanıb. 1989-cu ildə dünya çempionatının (Ştutqart) və 1991-ci ildə (İndianapolis) qızıl medallarına layiq görülüb. Ətraflı süjeti təqdim edirik:

Read More

Bu gün Azərbaycan Tennis Federasiyasının ümumi yığıncağı keçirilib. Gənclər və İdman Nazirliyinin inzibati binasında keçirilən tədbirdə yığıncaq iştirakçılarını salamlayan nazir Fərid Qayıbov onlara uğurlar arzulayıb. Federasiya prezidenti Oqtay Əsədov yığıncaqda çıxış edərək təşkilatın fəaliyyəti və qarşıdakı planlar barədə məlumat verib. Sonra, Azərbaycan Tennis Federasiyasının hesabatı dinlənilib yeni seçki keçirilib. Oqtay Əsədov yenidən növbəti müddətə federasiyanın prezidenti seçilib. Yığıncaqda həmçinin Gülməmməd Cavadov federasiyanın vitse-prezidenti, Mehman Qocayev, Fərid Şirinov, Salam Əsgərəlizadə və Yalçın Manaflı İdarə Heyətinə üzv seçiliblər.  

Read More

Azərbaycan Tennis Federasiyasının seçki iclası olacaq. “Report”un məlumatına görə, avqustun 31-də keçiriləcək tədbir Gənclər və İdman Nazirliyinin inzibati binasında baş tutacaq. Toplantının ardından saat 11:30-da mətbuat konfransı təşkil olunacaq. Qeyd edək ki, ATF-in hazırkı prezidenti Milli Məclisin sabiq sədri, hazırda 45 saylı Abşeron seçki dairəsinin deputatı Oqtay Əsədovdur.

Read More

Azərbaycan şahmatçısı Şəhriyar Məmmədyarov ABŞ-ın Sent-Luis şəhərindəki “Grand Chess Tour”un IV mərhələsində məzəli hadisə ilə üzləşib. 37 yaşlı qrosmeyster FIDE-ni təmsil edən rusiyalı Yan Nepomnyaşşi ilə blits qarşılaşmasında səhvə yol verib. Məmmədyarov at fiquru ilə düzgün olmayan gediş edib. Bu hadisədən sonra hər iki şahmatçı gülməyə başlayıb. Qaydalara əsasən, Azərbaycan təmsilçisi əlini ata vurduğu üçün məhz həmin fiqurla daha düzgün gediş etməli olub. Lakin bu zaman rəqib əlavə iki dəqiqə vaxt əldə edib. Qeyd edək ki, qarşılaşma Yan Nepomnyaşşinin qələbəsi ilə bitib. Hazırda 10 xala malik Məmmədyarov ABŞ şahmatçısı Fabiano…

Read More

Peşəkar Futbol Liqasında (PFL) yeni kadr təyinatı olub. PFL-in rəsmi saytında bildirilib ki, rəhbərliyin qərarına əsasən, qurumda icraçı direktor postu təsis edilib və Zaur Hacı-Məhərrəmov bu posta təyinat alıb. Zaur Hacı-Məhərrəmov 2009-cu ildən AFFA-da fəaliyyət göstərir. Bu müddət ərzində AFFA-da müxtəlif postlarda çalışan Z.Hacı-Məhərrəmov ölkədə keçirilən böyük beynəlxalq yarışlarda da fəaliyyət göstərib. PFL-in yeni icraçı direktoru eyni zamanda beynəlxalq oyunlara UEFA nümayəndəsi kimi təyinat alır. Qeyd edək ki, bunadək PFL-də Aslan Şahgəldiyev vitse-prezident, Elgiz Abbasov isə texniki idman direktoru kimi təsdiqlənib.

Read More

Qazaxıstan yığmasının əslən azərbaycanlı ağırlıqqaldıranı Nicat Rəhimov və Beynəlxalq Ağırlıqqaldırma Federasiyası (IWF) bir-birinə qarşı iddia qaldırıb. “Report”un məlumatına görə, məsələyə sentyabrın 22-də İdman Arbitraj Məhkəməsində (CAS) baxılacaq. 29 yaşlı idmançı dopinq-test üçün verdiyi sidik analizini dəyişdirməkdə şübhəli bilinib. Beynəlxalq Test Agentliyi (ITA) 2021-ci ilin yanvarında Rəhimova qarşı antidopinq qaydalarının pozuntusu ittihamını irəli sürüb. CAS isə bu il martın 22-də onu səkkiz il müddətinə bütün yarışlardan kənarlaşdırıb. Ağırlıqqaldıranın 15 mart 2016-cı ildən 18 yanvar 2021-ci ilədək göstərdiyi bütün nəticələr ləğv olunub. Beləliklə, Rəhimov 2016-cı il Rio-de-Janeyro Yay Olimpiya Oyunlarında 77 kq…

Read More

Gənclər və idman naziri Fərid Qayıbov Azərbaycan İdman Jurnalistləri İctima Birliyi İdarə Heyətinin üzvləri ilə görüşüb. Nazirlikdən “Report”a verilən məlumata görə, görüş zamanı ölkədə idman mediasının hazırkı vəziyyəti və idmanın təbliği məsələləri müzakirə edilib. Fərid Qayıbov ölkədə medianın ən böyük qollarından biri olan idman jurnalistikasının inkişaf etdirilməsi və beynəlxalq təcrübənin öyrənilməsinin vacibliyini vurğulayıb. Nazir Azərbaycan İdman Jurnalistləri İctimai Birliyinin mövcud problemləri ilə də maraqlanıb. Qurumun rəhbəri Azər Quliyev səmimi qəbula görə təşəkkür edib. İdarə Heyətinin üzvləri idman mediasını narahat edən məsələlər barədə məlumat veriblər.  

Read More