Metroda yenə problem: stansiyalarda böyük sıxlıq yarandı
Bakı metrosunda qatarda bu gün də problem yaranıb.
ARANTV.AZ xəbər verir ki, bu barədə Trend-ə açıqlamasında “Bakı Metropoliteni” QSC-nin mətbuat xidmətinin rəhbəri Bəxtiyar Məmmədov məlumat verib.
Onun sözlərinə görə, hadisə bu gün saat 08:30 radələrində metronun “Həzi Aslanov” stansiyasında baş verib: “Maşinist qatarda nasazlıq ehtimal edib və qatara əlavə baxış keçirib. Nəticədə 4 dəqiqə yubanma olub”.
Hazırda intervalın bərpası ilə bağlı tədbirlər görülür.
Qeyd edək ki, bu gün metroda yaranmış problem səbəbindən qatarlar 8 dəqiqə gecikib. Nəticədə stansiyalarda böyük sıxlıq yaranıb.
