5 gün əvvəl qəza törədən sürücü xəstəxanada öldü
Zaqatalada 5 gün əvvəl yol qəzasında ağır xəsarət alan şəxs xəstəxanada ölüb.
ARANTV.AZ APA-ya istinadən xəbər verir ki, Zaqatala Rayon Mərkəzi Xəstəxanasının reanimasiya şöbəsində müalicə alan, rayonun Bəhmətli kənd sakini, 1984-cü il təvəllüdlü Vüsal Məmməd oğlu Şirinov dekabrın 20-dən 21-ə keçən gecə dünyasını dəyişib.
Qeyd edək ki, V. Şirinov dekabrın 16-sı axşam saatlarında yaşadığı kəndin ərazisində idarə etdiyi qoşqulu motosikletlə hərəkətdə olarkən idarəetməni itirərək yol kənarındakı elektrik dirəyinə vurub. Nəticədə ağır xəsarət alan sürücü xəstəxanaya yerləşdirilib.
Faktla bağlı Zaqatala Rayon Polis Şöbəsində araşdırma aparılır.
