Rusiyada yol-hərəkət qaydalarını pozan azərbaycanlı tutuldu
Rusiyanın Sankt-Peterburq şəhərində yol-hərəkət qaydalarını pozan azərbaycanlı saxlanılıb.
Fontanka.ru-nun xəbərinə görə, içində iki azərbaycanlının olduğu “Chevrolet Lanos” markalı avtomobil yol-hərəkət qaydalarını pozub.
Polis avtomobili saxlayaraq sənədləri yoxlamaq istəsə də, azərbaycanlı sürücü idarəetməyə davam edib. Bu müddətdə o az qalıb ki, bir piyadanı vursun.
Şahidlərin dediyinə görə, polis avtomobili saxlayandan sonra sürücü özünü qəribə apararaq başını güzgüyə çırpıb.
Hüquq-mühafizə orqanının əməkdaşları avtomobildən dörd ədəd narkotik maddə olan bağlama və içindəki maddənin hələlik nə olduğu bilinməyən çanta aşkar edərək götürüblər.
