Ucarda minik və yük maşınları toqquşdu
Bakı-Qazax avtomobil yolunun 122-ci kilometrliyində yol qəzası baş verib.
ARANTV.AZ xəbər verir ki, hadisə Ucar rayonunun Pirkənd kəndindən keçən hissəsində qeydə alınıb.
Belə ki, 1964-cü il təvəllüdlü Eldar Tofiq oğlu Qarayevin idarə etdiyi “Mercedes” markalı minik avtomobili “Volvo” markalı yük maşınına çırpılıb. Nəticədə “Mercedes”də olan 3 nəfər sərnişin müxtəlif dərəcəli bədən xəsarətləri ilə Ucar Rayon Mərkəzi Xəstəxanasına yerləşdirilib.
Faktla bağlı araşdırma aparılır. Unikal.org
