Paytaxtda narkoman öz avtomobilini yandırdı
Bakının Sabunçu rayonunda kişi avtomobilinin üzərinə benzin töküb və yandırıb.
Bu barədə Oxu.Az-a hüquq-mühafizə orqanlarından məlumat verilib.
Martın 8-də saat 00:45-də Maştağa kəndində alkoqol təsiri altında olduğu ehtimal olunan 1994-cü il təvəllüdlü Sahil Xəlilov BMW markalı avtomobilini yandırıb. Hadisə nəticəsində heç kim xəsarət almayıb. Lakin rayonun 14-cü polis şöbəsinin əməkdaşlarının apardığı araşdırma zamanı sözügedən şəxsin narkotik maddə istifadə etdiyi müəyyən edilib.
Faktla bağlı araşdırmalar davam edir.
