Bakıda minik avtomobili marşrut avtobusu ilə toqquşdu: Xəsarət alanlar var
Bakının Xəzər rayonunda yol-nəqliyyat hadisəsi baş verib.
ARANTV.AZ xəbər verir ki, hadisə Buzovna qəsəbəsində, Albalılıq yolu adlanan ərazidə qeydə alınıb.
“Mercedes” markalı avtomobil marşrut avtobusu ilə toqquşub.
Qəza nəticəsində minik avtomobilində olan, 1985-ci il təvəllüdlü Famil Məmmədov və onun iki azyaşlı övladı xəsarət alıb.
Yaralılar xəstəxanaya yerləşdirilib.
Faktla bağlı araşdırma aparılır.
