Bakıda velosiped oğurlayan şəxs saxlanıldı
Bakıda velosiped oğurlamaqda şübhəli bilinən şəxs saxlanılıb.
ARANTV.AZ xəbər verir ki, Daxili İşlər Nazirliyinin “102” zəng xidmətinə martın 11-də paytaxtın Nizami rayonu ərazisində R.Yusifova məxsus 1 150 manat dəyərində velosipedlərin oğurlanması barədə məlumat daxil olub.
Məlumat əsasında Nizami RPİ-nin 25-ci Polis Şöbəsi əməkdaşlarının keçirdiyi əməliyyat-axtarış tədbirləri nəticəsində velosipedləri oğurlamaqda şübhəli bilinən Bakı şəhər sakini, 1980-ci il təvəllüdlü O.Məmmədov saxlanılıb.
Araşdırma zamanı onun daha əvvəl Cinayət Məcəlləsinin 181-ci maddəsi üzrə məhkum olunduğu məlum olub.
Faktla bağlı araşdırma aparılır. Oxu.Az
