Rusiyada bir gündə 11 mindən çox koronavirusa yoluxma qeydə alındı
Rusiyada koronavirusa yoluxma göstəriciləri sürətlə artmaqdadır.
ARANTV.AZ Trend-ə istinadən xəbər verir ki, ölkədə son sutka ərzində 11 231 nəfər koronavirusa yoluxub, 88 nəfər isə həyatını itirib.
Bu günə qədər Rusiyada 177 160 nəfər infeksiyaya yoluxub, ölənlərin sayı 1 625 nəfərə çatıb.
Ölkə ərazisində ümumilikdə 23 803 nəfər virusdan sağalıb, 151 732 nəfərin müalicəsi isə davam edir.
