Tərtərdə oğul 82 yaşlı atasını vəhşicəsinə döyüb – Prezidentə VİDEOŞİKAYƏT

10.07.202010.07.2020 Vüsal Rafiqoğlu

Hörmətli cənab Prezident!

Tərtər rayon sakini 1939-cu il təvəllüdlü ali təhsilli həkim hazırda pensiyada olan İsmayılov Rüstəm Hüseyn oğlu 22 iyun 2020-ci il tarixdə gecə saat 10:00 radələrində oğlu İsmayılov Pərviz tərəfindən vəşicəsinə döyülməsi barədə prezident İlham Əliyevə, Baş Prokuror Kamran Əliyevə, Azərbaycan Respublikasının Daxili İşlər Naziri Vilayət Eyvazova və aidiyyati dövlət məmurlarına ünvanladığı şikayət məktubunun bir surətini də DünyanınSəsi.az Xəbər Portalına yönəldibdir.
Şikayətçilərin məktubundan bəzi məqamları olduğu kimi çap edirik.

Yazıb məlum edirəm ki, pensiyaya çıxdıqdan sonra, kənddə təsərrüfat işləri ilə məşğul oluram.

Ailəmdə 6( altı) uşağım var onlardan 4 (dördü) qız və 2(ikisi) oğlandır. Övladlarımmın hamısını oxudaraq ali təhsil vermişəm. Beş övladım ailəlidir. Balaca oğlum Pərviz İsmayılov isə subaydır. Övladlarım hamısının özlərinin evləri olmaqla məndən ayrı yaşayırlar.

Balaca oğlum Pərviz İsmayılov Gəncə Humanitar Kollecini bitiribdir. Onun hərbi xidmətdə olmasıda mənim üçün baha başa gəlibdir.

Bu cür onun yolunda bir ata kimi zəhmət çəksəmdə ancaq o bir övlad kimi mənim zəhmətimi dəyərləndirməyərək dəfələrlə məni gəlib evdə döyüb söyübdür.

Mən ondan Tərtər rayon Polis Şöbəsinə və Tərtər rayon Prokurorluğuna şikayətlər etsəmdə hüquq mühafizə orqanları şikayətimin araşdırılmasına laqeyid yanaşmaqla məni üzdən gözdən salaraq barışdırıblar.

Bundan heç bir ibrət dərsi götürməyən oğlum Pərviz İsmayılov 22.06.2020-ci il tarixdə gecə saat 10:00-da evimə gəlib dişli yaba sapı ilə vəşicəsinə döyüb mənə xəsarətlər yetiribdir. Mən onun əlindən gücnən çıxıb qonşuluqda yaşayan böyük oğlumdan kömək istədim.

Döyülməyimlə bağlı Azərbaycan Respublikası DİN-nin “102” xidmətinə şikayət etdikdən sonra, həkim ekspert komisiyasından keçdikdən sonra, Tərtər RPŞ-nin təhqiqat qrupunda Pərviz İsmayılov barəsində AR CM-nin 128-ci maddəsi ilə cinayət işi başlayaraq baxılması üçün Tərtər rayon məhkəməsinə göndərilibdir. Mən Pərviz İsmayılovun AR CM-nin 128-ci maddəsi ilə məsuliyyətinə cəlb edilməsindən narazıyam. Ona görəki atasını döyüb ona ağır xəsarətlər yetirən adam gələcəkdə ölkəsinədə qarşı xain çıxa bilər.

Ona görədə o bu gün Azərbaycan Respublikası Cinayət Məcəlləsinin ən ağır maddələri ilə məsuliyyətə cəlb edilərək islah olunmalıdır ki, gələcəkdə daha ağır cinayətlər törətməsin.

Pərviz İsmayılov cəmiyyətimiz üçün olduqca yararsız bir insandır ki, əvvəllər işlədiyi Tərtər rayon UGİM-də öz işində səhlənkarlığa yol verdiyi üçün 2012-ci ildə AR Əmək Məcəlləsinin “70ç” bəndi ilə işdən azad edilmişdir.

Azərbaycan Respublikası Ekologiya və Təbii Sərvətlər Nazirliyinin Ağcəbədi Regional idarəsində “Reger” vəzifəsinə işə düzələndə əmək kitabçasını gizlədərək anket məlumatında əvvəlki iş yerini göstərməyərək işə düzəlibdir. Onun Tərtər rayon UGİM-dən 2012-ci ildə işdən azad edilməsi barədə əmrin surətini ərizəmə əlavə edirəm.

Pərviz İsmayılovun dövləti qanunlarımızı saymadan heç bir məsuliyyət nəzərə almayaraq bizim səkkiz nəfər ailəmizə

Tərtər rayon İslahat Komisiyası tərəfindən 2001-ci il tarixdə 8 (səkkiz) nəfər ailə üzvülərinə verilən 4.22 ha torpaq sahəsinin 50 sotuna heç bir aidiyyati dövlət qurumlarının icazəsi olmadan qum çınqıl tökərək yararsız hala salmaqla avto dayanacaq etmişdir.

Hər gün həmin yerdə avtomaşınlar saxlamaqla xeyli miqdarda stayanka pulları alsada bir manat olsun belə vergi və dövlət sosial müdafiə fonduna pul ödəməyibdir.

O dur ki, xahiş edirəm şikayət ərizəmi xüsusi nəzarətə götürüb araşdırılmasına göstəriş verəsiniz. Əvvəlcədən Sizlərə dərin minnətdarlığımızı bildiririk.