Bakıda qonşusunun velosipedini oğurlayan iki qardaş saxlanıldı
Bakıda velosiped oğruları yaxalanıb.
ARANTV.AZ-ın məlumatına görə, hadisə paytaxtın Xəzər rayonunda baş verib. Xəzər rayonu Binə qəsəbəsində yaşayan Ə.Qasımov polisə müraciət edərək ona məxsus velosipedin oğurlandığını bildirib.
Xəzər rayon Polis İdarəsinin 3-cü polis bölməsi əməkdaşlarının keçirdiyi əməliyyat-axtarış tədbirləri nəticəsində velosipedi oğurlamaqda şübhəli bilinən qəsəbə sakinləri Akif Xasıyev və qardaşı Amin Xasıyev saxlanılıblar.
Saxlanılan şəxslər hadisəni törətdiklərini etiraf ediblər.
Faktla bağlı araşdırma aparılır.Trend
