“Hər şey yaxşı olacaq!” – VİDEO
Bakı Media Mərkəzi 2020-ci ilin yekunlarına həsr olunan “Hər şey yaxşı olacaq!” adlı təsirli videoçarx hazırlayıb.
Baş verən hadisələrinə görə həm dünya, həm də Azərbaycan üçün “Əsrə bərabər il” sayıla biləcək 2020-ci il xalqımız üçün milli birlik, Böyük Qələbənin qazanıldığı, Qarabağ həsrətinin bitdiyi il oldu. Bu ilə öz damğasını vuran, dünyanı bürüyən pandemiya da Azərbaycandan yan keçmədi. Ölkəmiz bu gözəgörünməz düşmənlə də mübarizə apardı. Öz vətəndaşlarını virusdan, onun vura biləcəyi zərərdən maksimum qorumağa çalışdı.
2020-ci ildə biz gücümüzə, qayğıya, yardımsevərliyə, dostluğa, doğruya və ədalətə inandıq.
Məhz bu inam bizi zəfərlərə aparan işıqlı yol oldu. İndi də inanırıq və əminik ki, sonda mütləq hər şey yaxşı olacaq!
“Facebook”: https://m.facebook.com/story.phpstory_fbid=3053747618192823&id=1402834436617491
“Instagram”: https://www.instagram.com/tv/CJc3KfLpc8K/?igshid=1ktnzgwxuinj
