Kiyevdə “Heydər Əliyev və Azərbaycan diasporu” mövzusunda konfrans keçirilib
ARANTV.AZ xəbər verir ki, Kiyevdə “Heydər Əliyev və Azərbaycan diasporu ” mövzusunda konfrans keçirilib. Ulu Öndərin xatirəsinə həsr olunan tədbirin iştirakçıları əvvəlcə ümummilli lider Heydər Əliyevin Kiyev şəhərindəki abidəsini ziyarət ediblər. Sonra keçirilən tədbirdə Diasporla İş üzrə Dövlət Komitəsinin aparat rəhbəri Daşqın Rəcəbli dahi şəxsiyyətin misilsiz xidmətlərindən danışıb. Heydər Əliyevin dünyanın nadir şəxsiyyətlərindən biri olduğunu vurğulayan Ukrayna parlamentinin deputatı Xvitsa Meparişvili ulu öndərin siyasi irsinin öyrənilməsinin və tətbiq edilməsinin vacibliyini qeyd edib. Digər çıxışçılar da görkəmli siyasi xadimin həyata keçirdiyi uğurlu siyasətdən danışıblar. Tədbirdə ulu öndərə həsr olunan film də nümayiş etdirilib.
