Xüsusi Təyinatlı Qüvvələrin giziri, şəhid Vüsal Məmmədovun övladı dünyaya gəlib.
ARANTV.AZ Sonxeber.az-a istinadən xəbər verir ki, körpə oğlandır və sağlamlığı yerindədir:
“Hələ cinsiyyəti məlum olanda atası adının Hüseyn olmasını istəmişdi. Onun arzusuna uyğun olaraq uşağa Hüseyn adı verilib”.
30 yaşlı Şəhidimiz Vüsal Qüdrət oğlu Məmmədov cəmi 7 ay idi ki, ailə qurmuşdu. O, XTQ-nin tərkibində dalğıc (sualtı hücum) kəşfiyyatçı vəzifəsində xidmət edib. Oktyabrın 12-də Vətən müharibəsinin Qubadlı cəbhəsində qəhrəmancasına şəhidlik zirvəsinə yüksəlib.
Döyüşlərdə göstərdiyi şücaətə görə ölümündən sonra “Qarabağ” ordeni, “Vətən uğrunda” və “Cəbrayılın azad olunmasına görə” medalı ilə təltif edilib.
