2020-ci ilin dekabr ayında Azərbaycanın mobil rabitə operatorlarının şəbəkələrində giriş internet trafikinin sürəti 31,44 Mbit/s-ə təşkil edib.
“Ookla”nın “Speedtest Global Index”in məlumatına görə, bu göstərici noyabr ayı ilə müqayisədə 0,04 faiz azalıb.
Dekabrda ölkənin mobil şəbəkələrində çıxış trafikinin sürəti noyabr ayının göstəricisi ilə müqayisədə 5,3 azalaraq 15,02 Mbit/s olub.
Qeyd edək ki, dünya üzrə giriş və çıxış mobil trafikinin sürəti isə müvafiq olaraq 47,20 Mbit/s və 12,67 Mbit/s təşkil edib.
Ötən ilin dekabr ayının nəticələrinə görə, Azərbaycan bu göstərici üzrə 139 ölkə arasında 4 pillə geriləyərək 70-cı yerdə qərarlaşıb.
Reytinqə əsasən, dekabr ayında Azərbaycanda stasionar genişzolaqlı internet trafikinin giriş sürəti 22,17 Mbit/s, çıxış sürəti isə 24,21 Mbit/s təşkil edib. Bu göstəricilər noyabr ayı ilə müqayisədə müvafiq olaraq 3,8 və 5,4 faiz azalıb.
Dekabr ayının nəticələrinə görə, sabit internetin sürəti reytinqində Azərbaycan 176 ölkə arasında 3 pillə geriləyərək 120-ci yerdə qərarlaşıb.
