Bu məişət cihazları necə yaranıb?
Tozsoranın ixtirası
İlk vakkum tozsoranı “Britiş Vakkum kompani”şirkətinin əsasını qoymuş ingilis mühəndisi K.Hubert tərəfindən 1902-ci ildə icad olunmuşdur.Bu tozsoran çox böyük idi və dörd təkər üzərində yerləşir,ata qoşularaq bir evdən digərinə aparılırdı.Şirkətin işçiləri tozsoran slanqını pəncərədən sallayaraq xalçaları təmizləyirdilər.Tozsoran o qədər şöhrət qazanmışdı ki,hətta kral VII-ci Eduardin Vest-minster abbatlığında keçirilən tacqoyma mərasimi üçün salınacaq xalçaları onun vasitəsi ilə təmizləmişdilər.
1908-ci ildə ABŞ alimi Myurrey Spenqler yeni,yüngül vakkum tozsoranı patentləşdirdi.Belə tozsoranların istehsalı ilə Uilyam Huverin firması məşğul olmağa başladı
Qabyuyan maşının ixtirası
Tez-tez şənliklər təşkil edən Koçrane, qab-qacağını qulluqçularından daha sürətli və daha az sındıraraq yuya bilən bir maşın yaratdı.Onun mis qazan içindəki təkəri fırladan mühərrikli maşını, su təzyiqindən istifadə edən ilk avtomatik qabyuyan oldu. Bu ixtira qısa müddətdə geniş yayıldı və Koçrane restoranlardan, otellərdən qabyuyan maşın düzəltməsi üçün xeyli təklif aldı. O, hazırladığı maşının patentini aldı və işini daha da böyütdü. 1893-cü ildə Çikaqodakı Dünya Sərgisində ixtirasını təqdim etdi və “dayanıqlılıq və uyğunlaşmadan ən yaxşı mexaniki istehsal” mükafatını qazandı. “Vhirlpul” şirkəti tərəfindən maddi yardım alaraq “Koçrane İstehsal Şirkəti”ni qurdu.
