Azərbaycan Respublikası Təhsil Nazirliyinin Təhsildə İnkişaf və İnnovasiyalar üzrə V qrant müsabiqəsində qalib gəlmiş” İngilis dilini layihə əsaslı təlimlə öyrədək” layihəsi öz işini davam etdirir.Layihə rəhbəri Bərdə şəhər Milli Qəhrəman Elgiz Kərimov adına 4№li tam orta məktəbin direktoru Tofiqə Məmmədova layihə haqqında öz fikirlərini paylaşır.
Azərbaycan Prezidenti Cənab İlham Əliyevin 2016-cı il 6 dekabr tarixli fərmanı ilə təsdiq edilmiş “Azərbaycan Respublikasının milli iqtisadiyyat perspektivi üzrə Strateji Yol Xəritəsi”ndə deyilir ki, ümumi təhsil sistemində “yaddaş” məktəbindən “təfəkkür” məktəbinə keçidin təmin edilməsi, mütərəqqi dünya təcrübəsinə əsaslanan təhsil proqramlarının hazırlanması və səmərəli tətbiqi, məktəb rəhbərlərinin, müəllimlərin peşəkarlıq səviyyəsinin artırılması istiqamətində tədbirlər görülməli, daha keyfiyyətli insan kapitalının formalaşdırılması üçün mövcud resurslardan səmərəli istifadə edilməsi istiqamətində islahatlar davam etdirilməlidir.Hazırda Azərbaycanda təhsil sahəsində həyata keçirilən islahatlar bu istiqamətdə yeni yanaşmaların tətbiq olunmasını da aktuallaşdırıb.Bərdə şəhərində yerləşən yerli və məcburi köçkün məktəblərində çalışan 30 ingilis dili müəlliminə layihə əsaslı təlimin tədrisi yollarının öyrədilməsi. İngilis dilinin tədrisinin əsas problemlərindən biri şagirdlərdə layihə əsaslı öyrənmə bacarıqlarının zəif olmasıdır. Layihə əsaslı təlimin üstünlükləri ondan ibarətdir ki, ənənəvi öyrənmə heç vaxt sırf akademik sahədən kənara çıxmır. Layihə əsaslı öyrənmə şagirdləri gerçək dünyaya bağlayır. Layihə əsaslı təlim şagirdləri real dünyada çətinlikləri qəbul etməyə və həll etməyə hazırlayır. 21-ci əsrin bacarıqlarına yönəldiyi üçün (PBL) modeli şagirdlərin texnologiya qabiliyyətlərini də artırır. Layihə əsaslı öyrənmə şagirdlərin başqaları ilə səmərəli ünsiyyət qurmağı ilə yanaşı komanda işi və problem həll etmə bacarıqlarının da inkişaf etdirməsinə kömək edir. Layihələrin əməkdaşlıq xarakteri, dünyanın mütərəqqi məktəblərində həyata keçirilən sosial-emosional öyrənmə proqramlarını da gücləndirir. Layihə əsaslı öyrənmə, müəllimlər üçün ömür boyu öyrənənlərə ilham vermək və inkişaf etdirmək üçün populyar və faydalı bir üsuldur. Şübhəsiz ki, PBL şagirdləri “həqiqi dünyaya” hazırlamağa kömək edir, çünki onlar təbii olaraq öyrənirlər. Layihə iştirakçıları 1. What is Project Based Learning. 2 Eight Essential Elements of PBL.3. Steps of Project-based Learning .4.Tips for Projects in English as Foreign Language 5. Benefits and Challenges of Project-Based Learning .6.Project-based Learning and Web 2.0 Integration.7. Use Glogster, Canva and Padlet. 8 Use Mindmeister, ChatterPix and Word Cloud. ilə tanış olacaqlar. Bütün bunların nəticəsində 30 ingilis dili müəllimi təhsil sahəsində dövlət siyasətinin əsas prinsiplərini yerinə yetirmək üçün onların qarşısında qoyulan dövlət tələblərini ,xarici dilin tədrisinin əsas prioritet istiqamətlərindən olan kommunikativ bacarıqlar, xarici dil üzrə məzmun standartları müəyyənləşdirilərkən aşağıdakı fəaliyyətləri Ünsiyyət , Əməkdaşlıq, Problem həlli, Tətbiqetmə – yeni strategiya və metodlarla tədris etmək üsullarını mənimsəmiş və eləcə də şagirdlərin bu istiqamətdə ingilis dilində keyfiyyətli təhsil almalarına ,onların layihə əsaslı təlimlə layihə əsaslı dünyaya hazırlamaq yollarını öyrədəcəklər.
