Bu gün axşam Quba – Xaçmaz yolunda baş vermiş qəzanın bəzi detalları bəlli olub.
ARANTV.AZ xəbər verir ki, hadisə Quba-Xaçmaz yolunun Arzu kəndindən keçən hissəsində baş verib.
Belə ki, BMW markalı avtomobilin sürücüsü idarəetməni itirib, nəticədə avtomobil ağaca çırpılıb.
Qəza nəticəsində Xaçmaz rayonunun Yergüc kənd sakinləri – 1997-ci il təvəllüdlü Turan Elman oğlu Məhərrəmov və 1998-ci il təvəllüdlü Hüseyn Faiq oğlu Məhərrəmov müxtəlif xəsarətlər alıblar.
Yaralılar Xaçmaz Rayon Mərkəzi Xəstəxanasına catdırılıblar. H.Məhərrəmovun vəziyyətinin orta-ağır olduğu bildirilir.
Məlumata görə, qəzaya yolun sürüşkənliyi səbəb olub.
Faktla bağlı araşdırma aparılır.
19:53
Bu gün axşam saatlarında Xaçmaz-Quba yolunda yol nəqliyyat hadisəsi baş verib.
APA xəbər verir ki, hadisə rayonun Arzu kəndi ərazisində qeydə alınıb.
Avtomobil yoldan çıxaraq ağaca çırpılıb.
Qəza nəticəsində avtomobildə olan şəxslər xəsarət alıb.
