Qış Parkında qız üstündə kütləvi dava: bıçaqlananlar var
Nəsimi rayonunda 6 nəfər arasında kütləvi dava düşüb.
ARANTV.AZ azxeber.com-a istinadən xəbər verir ki, hadisə Qış Parkı kimi tanınan ərazidə baş verib.
Belə ki, 19 yaşlı Eyvazov Muradəli Sidqəli oğlu sevdiyi qıza görə 4 nəfərlə əlbəyaxa dava edib. Davaya M.Eyvazovun qohumu 22 yaşlı Nəsirov Sübhan Sarıbala oğlu da müdaxilə etməli olub.
Lakin mübahisə qanlı sonluqla bitib. M.Eyvazov və S.Nəsirov bədənlərinin müxtəlif nahiyələrindən bıçaqlanıb. Hər iki şəxs ağır vəziyyətdə xəstəxanaya yerləşdirilib.
Faktla bağlı Nəsimi Rayon Polis İdarəsində araşdırma aparılır.
