Ticarət şəbəkəsində istehlakçılara 6,2 milyard manatlıq ərzaq, içkilər və tütün məmulatları satılıb
Cari ilin yanvar-mart aylarında pərakəndə ticarət şəbəkəsində istehlakçılara 11 milyard manatlıq, o cümlədən 6,2 milyard manatlıq ərzaq məhsulları, içkilər və tütün məmulatları satılıb.
Dövlət Statistika Komitəsindən AZƏRTAC-a verilən məlumata əsasən, ötən ilin eyni dövrü ilə müqayisədə pərakəndə ticarət dövriyyəsi real ifadədə 3,1 faiz, o cümlədən ərzaq məhsulları, içkilər və tütün məmulatları üzrə 2,6 faiz artıb.
Hesabat dövründə ticarət şəbəkəsində bir ölkə sakini orta hesabla ayda 206,2 manatlıq ərzaq məhsulları, içkilər və tütün məmulatları alıb.
