Bakıda mənzildən 4 kişi meyitinin tapılması ilə bağlı araşdırma aparılır – YENİLƏNİB + FOTO/VİDEO

Paytaxtın Nərimanov rayonu ərazisində 4 nəfər şəxsin ölməsi faktı ilə bağlı rayon prokurorluğunda araşdırma aparılır.

ARANTV.AZ xəbər verir ki, bu barədə Baş Prokurorluğun Mətbuat xidmətindən bildirilib.

13:29

Bakı şəhərində mənzildən meyiti tapılan dörd nəfərin dəm qazından zəhərlənməsi ilə bağlı bəzi detallar məlum olub.

ARANTV.AZ-ın məlumatına görə, hadisə baş verən ərazidə yaşayan sakin Əsgər İmamverdiyev jurnalistlərə açıqlamasında bildirib ki, həmin şəxslər mənzilə 10 gündür kirayəçi kimi köçüblər:

“Onlardan birini tanıyırdım. Ev sahibinə anası ilə kirayə qalacağını və Yeni il bayramından sonra kirayə müqaviləsi bağlayacaqlarını qeyd edib. Bu gün ev sahibi kirayə müqaviləsinə görə mənzilə gəlib və evin qapısının arxadan bağlı olduğunu görüb. O, qapını nə qədər döysə də, açan olmayıb. Daha sonra ev sahibi polisə məlumat verib”.

Sakin qeyd edib ki, meyitlər tanınmaz halda olublar:

“2022-ci ilin dekabrın 31-də hadisənin olduğu deyilir”.

Qeyd edək ki, ölənlərin hamısı kişidir. Meyitlər aidiyyəti üzrə təhvil veriliblər. Faktla bağlı cinayət işi açılıb, araşdırma aparılır.

Daha çox şəkil burada: Photostock.az

12:53

Bakı şəhərində mənzildən meyiti tapılan dörd nəfərin dəm qazından zəhərləndiyi ehtimal edilir.

ARANTV.AZ-ın məlumatına görə, meyitlər bu gün aşkarlansalar da, bir neçə gün bağlı qapılar arxasında qalıblar.

Həmin şəxslərin meyitini kirayə qaldıqları evin sahibi aşkarlayıb.

Ölənlərin kimliyi məlum deyil.

Həyətdə yaşayan sakinlər bildiriblər ki, onlar yaxınlıqda bazarda işləyən şəxslərdir.

12:46

Baku TV-nin çəkiliş qrupu paytaxtın Nərimanov rayonunda dörd nəfərin meyitinin aşkarlandığı əraziyə yollanıb.

Canlı yayımı təqdim edirik:

12:08

Bakıda mənzildən dörd nəfərin meyiti aşkarlanıb.

ARANTV.AZ-ın məlumatına görə, hadisə Nərimanov rayonunda yerləşən mənzillərdən birində baş verib.

Hazırda hüquq-mühafizə orqanları əməkdaşları hadisə yerindədir.

Hadisənin hansı səbəbdən baş verdiyi hələlik məlum deyil.

Həmin şəxslər evdə kirayə qalırmışlar.