Azərbaycanda İranı təbliğ edən daha 2 nəfər həbs edildi – CASUS ŞƏBƏKƏSİ
Azərbaycanda İranın molla rejiminə xidmət edən, onları təbliğ edən şəxslərin müəyyən edilməsi və casus şəbəkələrinin ifşası istiqamətində əməliyyat tədbirləri davam etdirilir.
Lent.az “MOUZE” teleqram kanalına istinadən xəbər verir ki, bu əməliyyatların davamı olaraq həyata keçirilən əməliyyat tədbirləri nəticəsində Fariz Əliyev və Yusif Əhmdzadə həbs ediliblər.
Lent.az-ın hüquq-mühafizə orqanlarından əldə etdiyi məlumata görə, saxlanılan şəxslərin hər ikisi narkotik vasitələrin qanunsuz dövriyyəsində təqsirli bilinirlər.
