Beynəlxalq taksi sifarişi xidməti Bakıda keçirilən franşiza sərgisində iştirak edib – FOTO
Avqustun 3-ü Bakıda “Franch Region” franşiza sərgisi keçirilib. Sərgidə biznesin müxtəlif sahələrində – ictimai iaşə, tibb, təhsil, ticarət sahələrində fəaliyyət göstərən 13 iri şirkət iştirak edib.
“Maxim”in biznesin inkişafı üzrə meneceri Xacay Ramazanova tədbirin xüsusi qonağı olub. O qeyd edib ki, servislə birgə bütün dünyada artıq 500-dən çox franşiza qazanıb: “Sərgi uzunmüddətli əməkdaşlıqda maraqlı olan etibarlı partnyorları tapmaq üçün yaxşı variantdır. Biz tez-tez digər ölkələrdə də bu cür tədbirlərdə iştirak etmişik. Azərbaycanda isə ilk dəfədir sponsor rolunda iştirak edirik. Artıq bir neçə sahibkarla qarşılıqlı əlaqə qurmuşuq. Bu, əla başlanğıcdır”.
Xacay Ramazanova məruzə ilə çıxış edib və xidmətlə əməkdaşlıq şəraitində taksi sahəsinin perspektivləri barədə danışıb:
“Maxim” əlverişlidir. Məsələn, franşizalar bir-biri ilə rəqabət aparmaq məcburiyyətində qalmırlar, axı şəhərdə bizim brendimiz altında yalnız bir xidmət açmaq olar. Üstəlik biz iş üçün hazır vasitələr təqdim edə və bütün mərhələlərdə dəstək göstərə bilərik”.
“Biz sərgiyə gələnlərin diqqətini çəkə bildik. Çoxlu sayda insan yaxınlaşır, sual verirdilər. Biz franşizaya bu qədər tələbat olduğu üçün sevinirik”, – deyə Xacay Ramazanova bildirib.
Qeyd edək ki, “Maxim” – beynəlxalq taksi sifarişi, çatdırılma və yükdaşıma xidmətidir. Şirkət Gürcüstanda, Tacikistanda, Vyetnamda, İndoneziyada, Malayziyada, Latın Amerikası ölkələrində də fəaliyyət göstərir. “Maxim”in xidmətlərindən dünyanın mindən çox şəhərində faydalanmaq olar.
