Deyirlər ki, hamilə qadın saçını kəsdirəndə uşağın ömrü qısalır. Doğrudurmu?
Deyirlər ki, hamilə qadın saçını kəsdirəndə uşağın ömrü qısalır. Doğrudurmu?
Əvvəla, İslam dinində qadının saçlarını kəsdirməsi ilə bağlı heç bir məhdudiyyət yoxdur. Qadın istənilən zaman saçlarnı kəsdirə bilər. İkincisi, dinimiz bir kəsin məsuliyyətini başqasının öhdəsinə qoymur. Yəni ananın saç kəsdirməsi hətta pis əməl olsaydı belə, onun ziyanını övladı çəkə bilməz. Üçüncüsü, ananın saç kəsdirməsi ilə bətnindəki uşağın ömrünün müddəti arasında heç bir əlaqə yoxdur. Qadın saçını kəsdirsə də, kəsdirməsə də, övladı Allahın təyin etdiyi qədər ömür sürəcək. Ömrün uzun ya qısa olmasına, əcəlin tez ya gec gəlməsinə təsir edən bəzi amillər var ki, bunlar insanın özündən asılıdr.
