Dəhşətli qəzada yaralanan vəzifəli şəxs BAKIYA GƏTİRİLDİ
Dünən Biləsuvar rayonunda baş verən ağır yol-nəqliyyat hadisəsində zamanı xəsarət alan sürücü Bakıya gətirilib.
Kliniki Tibbi Mərkəzdən Publika.az-a verilən məlumata görə, “VAZ 21 015” markalı avtomobilla toqquşan “Lada Priora”nın sürücüsü, 1955-ci il təvəllüdlü Dövlətov Şakir Əhməd oğlu xəstəxanaın cərrahiyyə şöbəsinə yerləşdirilib.
Qeyd edək ki, dəhşətli qəzada Biləsuvar rayon sakinləri – “VAZ-21015” markalı avtomobildə olan 1944-cü il təvəllüdlü Şükufə Qəhrəman qızı Tağıyeva və 1961-ci il təvəllüdlü Hüseynova Güllübəyim Mehdi qızı hadisə yerində ölüb.
Qəzada xəsarət alan hər iki sürücü və İsmətli kənd sakinləri – 1993-cü il təvəllüdlü Tağızadə Araz Əsəd oğlu və 1979-cu il təvəllüdlü Əliyeva Məlahət Qurban qızı Biləsuvar Rayon Mərkəzi Xəstəxanasına yerləşdirilib.
“Lada Priora” markalı avtomobilin sürücüsü Şakir Dövlətov Biləsuvar Rayon Mərkəzi Xəstəxanasının Terapiya şöbəsinin müdiridir.
Faktla bağlı araşdırmalar davam etdirilir.
