Tarix təkrarlandı…2005-ci ildə də Aktauya uçan təyyarə qəzaya uğramışdı
İllər əvvəl də dekabrda Aktauya uçan təyyarə qəzaya uğramışdı.
ARANTV.AZ xəbər verir ki, sosial mediada 2005-ci ildə baş verən qəza ilə bağlı paylaşımlar edilir.
Belə ki, həmin il dekabrın 23-də Azərbaycan Hava Yollarına məxsus Bakı–Akatu reysi ilə hərəkət edən “An-140” təyyarəsi qəzaya uğrayıb.
Hava limanından saat 22:19-da havaya qalxan təyyarə təxminən 7 dəqiqədən sonra 18 kilometr aralıda, Nardaran qəsəbəsi yaxınlığında yerə düşüb. Sonradan müəyyən olunub ki, təyyarənin sağ mühərrikində nasazlıq baş verib.
Təyyarədə olan 18 sərnişin və 5 heyət üzvü həlak olub. Onların 15 nəfəri Azərbaycan Respublikasının, 8 nəfəri xarici ölkə vətəndaşları idi.
