Minsk Qrupu bu tarixdə ləğv ediləcək
ATƏT-in Minsk Qrupu 2025-ci ilin dekabrına qədər nəhayət ləğv ediləcək.
Musavat.com-un məlumatına görə, bunu Rusiyanın ATƏT-dəki daimi nümayəndəsi Aleksandr Lukaşeviç bildirib.
“Söhbət üç qurumun – Minsk Qrupunun, ATƏT-in fəaliyyətdə olan sədrinin şəxsi nümayəndəsinin vəzifəsinin və yüksək səviyyəli planlaşdırma qrupunun işinin dayandırılmasından gedir, Aleksandr Lukaşeviç RBK-ya bildirib.
“Tərəflərin (Ermənistan və Azərbaycanın – red.) onların saxlanmasının məqsədəuyğun olmaması ilə bağlı mövqeyini nəzərə alsaq, qrupun ləğvinin qarşısını almaq üçün heç bir əsas görmürük”, o əlavə edib.
Qeyd edək ki, avqustun 8-də Vaşinqtonda əldə olunan razılaşmalar çərçivəsində Ermənistan və Azərbaycan Minsk Qrupunun buraxılması məqsədi ilə birgə ATƏT-ə müraciət ediblər.
