Laçın Polis Şöbəsi şagirdlərə narkomaniya, kibertəhlükəsizlik və polis peşəsi barədə geniş məlumat verib
Laçın Rayon Polis Şöbəsinin təşkilatçılığı ilə rayonun Zabux kənd tam orta məktəbində Bəylik və Sus kənd tam orta məktəblərində təhsil alan şagirdlərin də iştirakı ilə antinarkotik, kibertəhlükəsizlik və polis peşəsinə marağın artırılması mövzularını əhatə edən maarifləndirici tədbir keçirilib.
Tədbirdə çıxış edən Laçın Rayon Polis Şöbəsinin rəisi, polis polkovniki Adil Əsədov gənclərin zərərli vərdişlərdən qorunmasının cəmiyyətimiz üçün prioritet məsələlərdən olduğunu bildirib. Narkomaniyanın insan sağlamlığına, dünyagörüşünə və sosial inkişafına vurduğu böyük zərbələrdən danışılıb.
📌 Şagirdlərə internet məkanında təhlükələr, sosial şəbəkələrdə dələduzluq və saxta profillər, şəxsi məlumatların qorunması və onlayn davranış qaydaları barədə də məlumatlar veribilib.
📚 Həm narkomaniya, həm də kibertəhlükəsizliklə bağlı hüquqi məsuliyyət, təhlükəli hallarda polisə müraciət qaydaları izah olunub.
🎓 Bununla yanaşı, polis əməkdaşları Daxili İşlər Nazirliyinin Polis Akademiyası haqqında məlumat verərək gəncləri hüquq-mühafizə orqanlarında karyera qurmağa həvəsləndiriblər. Akademiyaya qəbul şərtləri, təhsil imkanları və gələcək xidmət perspektivləri barədə şagirdlərə ətraflı məlumatlar təqdim edilib.
🗣️ Tədbirin sonunda maraq doğuran suallar cavablandırılıb, maarifləndirici video çarxlar göstərilib.
