Türkiyədə 15 yaşına çatmamış uşaqların sosial media şəbəkələrindən istifadəsinə rəsmən qadağa qoyulub.
Musavat.com xəbər verir ki, bununla bağlı müvafiq qanun layihəsi Türkiyə Böyük Millət Məclisi (TBMM) tərəfindən qəbul edilib.
İnternet nəşrlərinin tənzimlənməsi və kiber-cinayətkarlıqla mübarizəyə dair sənəddə “internet oyunları”, “oyun distribütoru”, “oyun tərtibatçısı” və “oyun platforması” kimi anlayışlara aydınlıq gətirilib.
Bundan əlavə, Türkiyə Konstitusiya Məhkəməsi tərəfindən əvvəllər ləğv edilmiş “məzmunun silinməsi və girişin məhdudlaşdırılması” normasına mühüm dəyişikliklər edilib.
Yeni qaydalara əsasən, sosial media operatorlarına 15 yaşından kiçik istifadəçilərə xidmət göstərmək qadağan olunub.
Şirkətlər uşaqların bu platformalara daxil olmasının qarşısını almaq üçün yaşın yoxlanılması da daxil olmaqla, bütün zəruri tədbirləri görməyə borcludurlar.
