KOBİA Azərbaycanda elektron kommersiyanın inkişafını dəstəkləyəcək
“Kiçik və Orta Biznesin İnkişafı Agentliyi (KOBİA) Azərbaycanda elektron kommersiyanın inkişafında sahibkarlara müvafiq dəstəyi göstərəcək”.
ARANTV.AZ Trend-ə istinadən xəbər verir ki, bunu KOBİA-nın İdarə heyətinin sədri Orxan Məmmədov İkinci Bakı Elektron Ticarət Forumunda (BEF-2019) deyib.
Onun sözlərinə görə, bu, pərakəndə əməliyyatlarda, o cümlədən, pərakəndə ticarətdə elektron kommersiyanın böyük artım potensialı nəzərə alınmaqla həyata keçirilir.
O, həmçinin, bildirib ki, Agentliyin əsas vəzifəsi biznes mühitinin, nizamlama sistiminin səmərəliliyinin artırılması, sahibkar və startaplara dəstək diapazonunun genişlənməsidir.
