Sumqayıtda vəkil 40 yaşlı piyadanı vurub öldürdü
Azərbaycan Vəkillər Kollegiyasının üzvü yol qəzası törədib.
ARANTV.AZ Trend-ə istinadən xəbər verir ki, hadisə Abşeron rayonunun Saray qəsəbəsində, “Tərlan” şadlıq sarayının qarşısında baş verib.
Sumqayıt şəhər 1 saylı Vəkil Bürosunun sədri, 1969-cu il təvəllüdlü Nəhmətov Fazil İldır oğlu özünə məxsus “Wolksvagen Passat” markalı 99 NM 092 dövlət nömrə nişanlı avtomobillə hərəkətdə olarkən yolu keçən Saray qəsəbə sakini, 1979-cu il təvəllüdlü Mustafayeva Esmira Sehriman qızını vurub.
Piyada aldığı xəsarətlərdən hadisə yerində dünyasını dəyişib.
Faktla bağlı cinayət işi başlanıb.
Xatırladaq ki, F.Nəhmətov 2002-ci ildən vəkillik fəaliyyəti ilə məşğuldur və Azərbaycan Vəkillər Kollegiyasının üzvüdür.
