Yanvarın əvvəllərindən etibarən Azərbaycan üzrə vahid seçici siyahılarının dəqiqləşdirilməsinə başlanılacaq. Siyahının tərtib edilməsi ilkin olaraq məntəqə seçki komissiyaları tərəfindən aparılacaq. Bu ilin dövlət büdcəsində Mərkəzi Seçki Komissiyasına 21 milyon 291 min 868 manat ayrılıb. Bu vəsaitin 5 milyon 251 min 155 manatı 2021-ci ildə seçici siyahılarının dəqiqləşdirilməsi xərclənəcək.
Proses məntəqə seçki komissiyaları tərəfindən qanunla nəzərdə tutulan müddətdə seçki məntəqələrinin hüdudlarında həyata keçiriləcək. Seçki Məcəlləsinin tələblərinə əsasən, məntəqə seçki komissiyaları məntəqə üzrə tərtib edilmiş seçici siyahılarını fevralın 5-dən gec olmayaraq müvafiq dairə seçki komissiyalarına təqdim etməlidir.
Dairə seçki komissiyaları isə seçki dairələri üzrə ilkin seçici siyahılarını aprelin 5-dək MSK-ya təhvil verəcək. MSK da öz növbəsində vahid seçicilər siyahısının ölkə üzrə tərtib edilməsini həyata keçirəcək. Bu prosesə ən gec mayın sonuna qədər yekun vurulacaq və ölkə üzrə yenidən tərtib olunan vahid seçici siyahısı MSK-nın rəsmi internet səhifəsində yerləşdiriləcək.
