Vətən müharibəsində şəhidlik zirvəsinə ucalan qəhrəmanlarımızdan biri də Baş Çavuş Səid Cəfərovdur.
ARANTV.AZ Sonxeber.az-a istinadən yaxınlarının dili ilə şəhidin həyat hekayəsini izləyicilərə təqdim edir:
“Səid Cəfərov 4 fevral 1993-cü ildə Neftçalanın Xol-Qarabucaq kəndində dünyaya göz açıb. 1999-2010-cu illərdə İlqar Səfərov adına Mürsəqulu kənd tam orta məktəbində orta təhsil alır.
Həqiqi hərbi xidmətini bitirəndən sonra hərbi formaya bağlılığı onu yenidən orduya qaytarır. Türkiyədə “JIAK” təlim kurslarını fərqlənmə ilə bitirir. Daxili Qoşunların Baş Çavuşu idi.
“Vətən müharibəsi” başlayanda Səid də silahına sarılır. Sentyabrın 27-dən etibarən qızğın döyüşlərdə iştirak edir. Füzuli, Cəbrayıl, Hadrut və digər ərazilərdə gedən ağır döyüşlərdə xüsusi fəallıq göstərir.
Şuşa istiqamətində döyüşlər başlanır. Səid bu döyüşlərdə son damla qanına qədər döyüşür. Döyüş zamanı yaralı komandirini xilas edir. İki taboru mühasirədən çıxardır. Lakin Səid qələbənin bir addımlığında – noyabrın 8-də Vətəni üçün qəhrəmancasına şəhid olub.
Ölümündən sonra “Vətən uğrunda” medalı ilə təltif olunub”.
