“Caliber” müstəqil jurnalist layihəsi növbəti təhlilini öz “YouTube” kanalında yerləşdirib.
“Qələbə də bir dərsdir” başlıqlı videomaterialda deyilir ki, “Caliber” layihəsinin redaksiya heyəti artıq neçənci dəfədir, Azərbaycan ordusundakı konseptual və təşkilati dəyişiklər mövzusunu öz tamaşaçılarının diqqətinə çatdırır. Bu dəyişikliklərin vacibliyi bir sıra amillərlə diqtə olunur. İlk növbədə, 44 günlük uğurlu hərbi əməliyyatların təcrübəsi, digər tərəfdən də, məhz bu əməliyyatlar nəticəsində bölgədə yaranmış yeni reallıqlar sözügedən dəyişiklikləri qaçılmaz edə bilər.
Təhlildə qeyd olunur ki, xarici ekspertlərin fikrincə, ikinci Qarabağ müharibəsində Azərbaycanın mütləq üstünlüyünün ən başlıca səbəbi Ermənistan silahlı qüvvələrinin konseptual baxımdan yeni müharibəyə hazır olmaması idi. Düşmənin hərbi müstəvidə bütün digər çatışmazlıqları da məhz bu hazırlıqsızlıqdan doğur. İstər kadr, istərsə də maddi-texniki cəhətdən Ermənistan keçmiş müharibəyə hazırlaşırdı.
Daha ətraflı “Caliber”in yeni videomaterialında.
