Bakıda mənzillərə quraşdırılan yeni smart-kart tipli sayğacların kartlarına ödəniş etməklə bağlı yaranan problem aradan qaldırılıb.
ARANTV.AZ bildirir ki, bunu baku.ws-ə açıqlamasında “Azəriqaz” İctimai Birliyinin Mətbuat xidmətinin rəhbəri Ceyhun Səfərov bildirib.
Onun sözlərinə görə, sistemdə kiçik texniki problem yaranıb:
“Ödənişlə bağlı dünən axşam saatlarında problem yaranmışdı. Bəzən proqram təminatında belə problem yaşanır. Artıq bu problem aradan qaldırılıb və vətəndaşlar sayğac kartlarına pul köçürə bilərlər”.
Buna qədər baku.ws-in “Qaynar xətt”inə daxil olan məlumatda qeyd edilmişdi ki, Xətai rayonu, Corat küçəsindəki mənzillərə quraşdırılan yeni smart-kart tipli sayğacların kartlarına ödəniş etmək olmur.
