Snoubordda hərəkət edən gənclərin ayağının altından qar uçub və onlar uçuruma doğru sürüşüblər. Ancaq təqribən 4 metrdən sonra onlar buz bağlamış qayadan tuta biliblər.
“BAZA” “Telegram” kanalının məlumatına görə, hadisə Elbrus dağında qeydə alınıb.
Bildirilir ki, adətən dağlarda belə vəziyyət olur – qar özünəməxsus qübbə əmələ gətirir və bəzən bu bir neçə adamı daşıyacaq qədər möhkəm olur. Ancaq bu dəfə elə olmayıb – gənclər uçuruma yuvarlanıblar.
Sonradan qızın xatırladığına görə, o və dostu 20 dəqiqə sallanmış vəziyyətdə qalıb.
Ancaq xilasedicilər vaxtında köməyə çatıblar. Məlum olub ki, gəncin qolu qırılıb. Qız isə ancaq qorxu ilə canını qurtara bilib.
