Cənubi Sudanda “South Supreme Airlines” şirkətinə məxsus sərnişin təyyarəsi qəzaya uğrayıb.
Bu barədə “Anadolu” agentliyinə Kuba Beynəlxalq Hava Limanının direktoru Kur Kuol məlumat verib.
Onun sözlərinə görə, təyyarə yerli vaxtla saat 17:00 radələrində havaya qalxıb və bir az sonra qəzaya uğrayıb.
Qəzanın səbəbi hələ müəyyənləşməyib. Kuol qeyd edib ki, hadisə nəticəsində çox sayda insan həyatını itirib. Yerli mətbuat qəzada 10 sərnişin və iki pilotun öldüyünü qeyd edib.
Bildirilir ki, eyni aviaşirkətin təyyarəsi əvvəllər də oxşar şəkildə qəzaya uğrayıb.
Şirkət hələ qəza ilə bağlı açıqlama verməyib.
