Düzgün qidalanma sağlamlığın ən əsas şərtlərindən biridir. Təsadüfi deyil ki, xəstəliklərin çox böyük əksəriyyəti düzgün qidalanmama nəticəsində orqanizmdə maddələr mübadiləsinin pozulması ilə əlaqədar olaraq üzə çıxır. Təəssüf ki, əhalinin böyük qismi qidalanma qaydalarından xəbərsizdir.
Sağlam qida ilə bağlı məşqçi Sahib İsmayılov ilə söhbətləşdik.
– Sahib bəy, zəhmət olmasa, bir məşqçi kimi sağlam qida və idman barədə danışın. Nə zamandan idmanla məşğul olursunuz?
– Uşaqlıqdan idmanla məşğul oluram. 15 yaşımdan isə fitneslə maraqlanmağa başladım. 17 ildir sağlam qida qəbul edirəm. Necə deyərlər, sağlam həyat tərzi sürürəm. İdmanla məşğul olan zaman bir məqamda başa düşdüm ki, sağlam qida ilə idman bir-birinə bağlıdır.
İdmanda istənilən nəticəni almaq üçün qidaların əhəmiyyəti çox böyükdür. Düzgün məşq və sağlam qidalanma ilə insanlar istədikləri formada qala bilərlər. Artıq sübut olunub ki, düzgün, balanslı qidalanma və maye istehlakı ilə məşqin səmərəliliyi artırıla bilər.
– Bundan sonra sağlam qidalanma şirkəti açmaq barədə qərar verdiniz?
– Bəli. Fikirləşdim ki, sağlam qida hazırlayıb, müştərilərə təqdim etməklə, insanların sağlam, gümrah, fit qalmasını təmin edə bilərik.
Nəticədə, “Fitfood” şirkətini yaratdıq. Artıq şirkət bir ildən çoxdur ki, fəaliyyətə başlayıb.
Şirkətimiz sadəcə dietik mətbəx təqdim edir. Sağlam qidalanma ilə bağlı bir çox şirkətlər öz xidmətini təklif edir. Fikrimcə, ən yaxşılarından biriyik.
– Hazırda pandemiya dövrüdür. Sizin şirkət karantin zamanı da sağlam qidalanmaq istəyən şəxslərə kömək edirmi?
– Əlbəttə. “Fitfood” şirkəti karantin müddətində evdən çölə çıxmadan yemək rasionuna nəzarət etməyə də kömək edir. Dietik qida məhsullarımız gigiyenik qaydalara riayət etməklə hazırlanır, qablaşdırılır.
– Müştərilər üçün gündəlik rasion necə tərtib olunur?
– Hər bir müştəriyə istəyinə uyğun olaraq, dietik məhsul hazırlanır. Əsas üstünlüyümüzü balanslaşdırılmış qidaya veririk. Bir adam gün ərzində nə qədər qida qəbul etməlidirsə, ona uyğun kalorili paket tərtib olunur.
Hər gün yeni dietik məhsul yollayırıq. Müştəriyə təqdim olunan hər bir yeməyin saatı üzərində qeyd edilir. Biz zəmanət veririk ki, müştəri bizim təqdim etdiyimiz menyuya riayət etsə, daha yaxşı formaya düşə, gümrah ola bilər.
– Müştəri bir ay “Fitfood” şirkətinin məhsullarından istifadə etsə, nə qədər çəki atmış olar?
– Hər şey orqanizmdən asılıdır. Təqdim etdiyimiz rasiona riayət etdikdə, bir ay ərzində üç kiloqrama yaxın arıqlaya bilər. Tez arıqlamaq o demək deyil ki, bu, sağlam arıqlamadır. Az-az, amma düzgün şəkildə arıqlamaq lazımdır. Qidalanmaya mütləq fikir verilməlidir və peşəkarlara etibar etmək lazımdır.
– Siz menyunu hazırlayanda yeni yemək çeşidləri təklif edirsinizmi?
– Təqdim etdiyimiz dietik məhsulların təbii qida mənbələrindən təmin olunmasına xüsusi nəzarət var. Şirkətimizin üç peşəkar aşpazı var. Menyu tərtib edilir, onlar isə hazırlayırlar. Yeməklər hamısı gigiyenik qaydalara uyğun olaraq hazırlanıb. Bütün məhsullar təbiidir. Tərəvəz, meyvə və məhsulları özüm seçib, alıram. Çalışırıq ki, müştərilərə tam sağlam, təmiz şəkildə məhsul təqdim edək.
– Bəzən olur ki, şirkətlər məhsulu həftəlik, aylıq şəkildə alan müştəri ilə razılaşır. Sizin şirkətin belə şərti varmı?
– Xeyr. Bizim “Fitfood” şirkətimiz o qədər rahatdır ki, müştəri məhsulu gündəlik, aylıq, illik də ala bilər. Yəni müştərinin seçimindən asılıdır.
Bizdən bir yemək, bir içki də almaq mümkündür. İnsanlar məhsul almaq üçün çölə çıxmadan sifariş edə bilərlər. Bütün günün rasionu hər bir müştərinin evinə kimi gətiriləcək.
– Müştərilərə endirimlər olurmu? Daha çox müraciət edənlər kimlərdir və yaş aralığı neçədir?
– Bəli. Müştərilər bizdən bir, iki və sair həftəlik, aylıq məhsul alan zaman endirim edilir. Məsələn, həftəlik paket alanda endirimlər 10 faizdən başlanır. Aylıq olan zaman isə bu endirim 20 faizə kimi davam edir. Ən çox xanımlar bizi seçir. 20-40 yaş arası olanlar daha çox müraciət edir.
– Müştəriyə menyu hazırlayarkən onlardan hansısa xəstəliklərinin olması soruşulurmu?
– Mütləq soruşuruq. Hər bir şəxsə fərdi yanaşılır, daha sonra menyu tərtib edilir.
“Fitfood” şirkəti yalnız arıqlamaq istəyənlər insanlar üçün deyil. Əsas məqsəd insanların sağlamlığının keşiyində durmaqdır.
Düzgün qida, sağlam yaşam deməkdir. “Fitfood” şirkəti menyunu seçərək, düzgün tərkibi və qidalandırıcıları təyin edir.
Sifariş üçün telefon nömrəsi: 051 291 10 10
“Instagram”: fitfood_az
“Facebook”: fitfood_az
