İsrail alimləri aspirinin pandemiyada müsbət təsiri barədə açıqlama edib. Preparat koronavirusa yoluxmadan qoruya bilər.
Hit.az xəbər verir ki, elmi tədqiqatlar nəticəsində hər gün 75 mq aspirin qəbul etdikdə orqanizm koronavirusa qarşı səfərbər olur, yoluxma az olur. Yoluxma olsa da xəstə ağır keçirmir.
Alimlər birinci dalğada PZR test vermiş 10 477 nəfərin məlumatlatını analiz ediblər. Onlar hər gün ürək-damar xəstəlikləri ilə bağlı hər gün aspirin içən xəstə qrupunu ayırıblar.
Nəticələr göstərib ki, aspirin qəbul edənlərdə koronavirusa yoluxma riski 29% az olub. Yoluxanlarda isə sağalma 2 dəfə etz baş verib.
Reanimasiyaya düşən xəstələr arasında da illərdir aspirin içənlərdə ölüm daha az olub.
İsrail həkimləri bildirir ki, pandemiyadan xilas yolu vaksin göstərilsə də, bu 100% qorunma demək deyil. Ona görə bu fonda insanların həkimin təyini ilə (!) aspirin qəbul etməsi də virusdan qorunmanı artıra bilər. Nəzərə almaq lazımdır ki, bəzi xəstəliklər (mədə xorası və s.) zamanı aspirin qəbul etmək olmaz, həmçinin uzun müddət ərzində aspirin qəbul edən insanlarda bəzi pozulmalar inkişaf edə bilər.
