Dəyərli dostlar, əvvəlcədən ALLAH tutduğunuz orucu qəbul etsin inşAllah. Oruc vaxtı insan səhhətində bəzi hallar ola bilir ki, bəzən bu hallara görə insanlar oruc kimi nemətdən özlərini məhrum edirlər.
Nəzərinizə çatdırım ki, artıq bütün dünya ac qalmanın faydasını görmək üçün 30 gün lazım olduğunu qəbul etmişlər. Elhamdülillah bizlər həm ALLAH yolunda orucumuzu tutub Allahın əmrinə baş əyirik və arxasınca da orucun bədənimiz üçün faydalarını görürük. Bu da biz müsəlmanlara Allahın bir lütfüdür. Deməli sağlamlıq üçün oruc ara verilmədən 30 gün tutulmalıdır. Oruclu vaxtların hər gününün öz dəyəri vardır, məsələn oruclu vaxtın 15- ci günündən sonra oynaqlara yığılmış duzlar sorulmağa başlayır, xolesterinlər damar yağları əriməyə başlayır, hətta şiş hüceyrələrinə təsirlər başlayır. Bədəndə illərlə yığılmış şlaklar təmizlənməyə başlayır, buna görədə mən bugün olmadı, sabah tutum kimi hallarda fayda az görünə bilər.
Oruclu vaxtı ağız tez-tez quruyursa yaxşı olar səhər imsakda limonlu çay içilsin və ya məkkəgülü çayı içilsin. 1 ay oruc vaxtı bizim mədə divarımız 2 dəfə yenilənir, ona görə də orucun mədəmizə çox faydası vardır, yenilənmə zamanı erroziya və səpmələr aradan qalxır. Oruclu vaxtı başağrıları ola bilir, bu günün ikinci yarsında daha çox olur, çünki artıq bədənimiz enerjini ehtiyyatdan götürür, bu da təbiidir.
Əgər başağrısı daha çox dözülməz olursa onda təzyiq yoxlanılmalı, əgər normadan çox aşağı düşürsə səhər ac qarına 1 xörək qaşığı bal bir stekan çiy suya qarışdırın, için, bunu axşam da edin əgər təzyiq normaldırsa və başağrısı davam edirsə onda başdan və kürəkdən hicama etdirə bilərsiniz. Əgər oruclu vaxtı ağzınız acı olursa, onda səhər solmazçiçəyi dəmləməsi için və axşam iftarı kök, kələm, zeytun yağlı salatla açın, ət yeməklərini bir saatdan sonra yeyin.
Bəzən oruclu vaxtı təzyiq qalxa bilir, belə hal həmişə olursa onda səhər yeməkdən əvvəl yemişan meyvəsi dəmləməsi için. Bəzən əllərin əsməsi və əsəb ola bilir, onda imsakda və iftarda ud hindi tozunu bir çay qaşığı bir stekan qaynar suya qarışdırın, beş dəqiqə sonra bir çay qaşığı bal qarışdırın için, bəzən insanlar enerjim qurtarar deyə az hərəkət edirlər, bəzən səhərdən axşamacan yatanlar olur, bu düzgün deyil oruclu vaxtı səhər axşam piyada gəzməyə adət edin, bu bədən sağlamlığı üçün çox yaxşıdır, qorxmayın enerjiniz azalmayacaqdır. İllərlə bədənizin yığdığı depodan bədəniniz istifadə edəcəkdir. Bəzən orucluykən mədə qıcqırması ola bilir, onda səhər və axşam yeməkdən əvvəl biyan dəmləməsi için. Bəzən qəbizlik ola bilir, onda səhər 3 ədəd quru ənciri yeyin, faydası olmasa axşamdan əncirləri zeytun yağına atın, səhər ac qarına yeyin. Bəzən oruclu zaman ishal ola bilir, onda səhər yeməkdən əvvəl qastren çayı için. Oruc davamlı tutularsa dərimizdən gələn xoşagəlməz iylər azalar, dəri daha da parlaq olar bağısaqlarda çürümə getmədiyindən insan uzunömürlu və sağlam olar.
Fizulihuseynov.com
