Vətən müharibəsi adını almış II Qarabağ savaşında ölümün gözünə dik baxıb düşmənlə döyüşə yollanan qazilərimizdən biri də Bərdə rayonunun Lənbəran kəndinin sakini olan Hüseyinov Şəmistan Sabir oğludur. Müharibə başlayan günlərdə Bərdə rayon Hərbi Komissarlığından xidmətə çağrılmış qazimiz Qarabağ cəbhəsinin Ağdam istiqamətində xidmət edirmiş.44 günlük müharibənin sonuna kimi sağ-salamat layiqincə xidmət aparsa da sonradan Şəmistan ağır yaralanıb. Dekabrın 12-də Ağdam cəbhəsində minaya düşüb.
Qazi Şəmistan Hüseyinovun ayaqlarında cərrahiyyə əməliyyatı aparılıb. Ayaq barmağını itirsə də peşəkar həkimlərimizin ciddi cəhdləri sayəsində qazimiz ayağa dura bilib. Onun səhhəti kafi qiymətləndirilir.Üç aylıq bərpa müalicəsindən sonra qazimiz ailəsinin yanına qayıdıb.
Bərdənin Lənbəran kəndində qazini kənd camaatı böyük sevinclə qarşılayıb. Zəfər müharibəsində qalib ordunun əsgəri kim dönən qazinin şərəfinə qurban kəsilib.
