Azərbaycan 2021-ci ildə İsraildə diplomatik statuslu ticarət nümayəndəliyi və turizmin inkişafı üzrə rəsmi nümayəndəlik açmaq niyyətindədir.
Bu barədə İsrailin Xarici İşlər Nazirliyindən məlumat verilib.
“İsrail Xarici İşlər Naziri Qabi Aşkenazi bu gün videokonfrans formatında keçirilmiş ikitərəfli münasibətlərin və iki ölkə arasında ticarətin inkişafına həsr olunmuş İsrail-Azərbaycan qarışıq komissiyasının ikinci iclası zamanı İsrail nümayəndə heyətinə rəhbərlik edib. Azərbaycan nümayəndə heyətinin rəhbəri, iqtisadiyyat naziri Mikayıl Cabbarov görüş zamanı bildirib ki, Azərbaycan bu il İsraildə turizmin inkişafı üzrə rəsmi nümayəndəlik və diplomatik statuslu ticarət ofisi açmaq niyyətindədir”, – deyə İsrail Xarici İşlər Nazirliyinin mətbuat xidmətinin məlumatında bildirilib.
Görüş zamanı Q. Aşkenazi Azərbaycanı İsrailin enerji müttəfiqi və dostu adlandırıb.
Eləcə də o, Azərbaycanla mühüm əlaqələrin inkişafı və genişləndirilməsi üzərində işlərin davam etdiriləcəyini vurğulayıb.
