Bərdə rayonunda 3 dekabr Beynəlxalq Əlillər Günü münasibəti ilə tədbir keçirilmişdir.
Bu gün Bərdə RİH yanında yaradılmış Ailə, qadın və uşaq problemləri üzrə komissiyanın təşkilatçılığı ilə 3 dekabr Beynəlxalq Əlillər Günü münasibətilə tədbir keçirilmişdir.
Tədbiri giriş sözü ilə açan komissiyanın sədri Səfurə Hümbətova əlil vətəndaşlara və xüsusilə də əlil uşaqlara dövlətimiz tərəfindən göstərilən diqqət və qayğıdan danışaraq bildirmişdir ki, Beynəlxalq Əlillər günü 3 dekabr 1992-ci ildə BMT-nin Baş Assambleyasında qəbul edilib. Hər il 3 dekabr tarixində BMT-yə üzv olan ölkələrdə əlilliyi olan insanların cəmiyyətdəki mövqelərinin daha da möhkəmlənməsinə yönəlmiş tədbirlər təşkil olunur.
Bu cür tədbirlər müntəzəm olaraq Respublikamızda o cümlədən rayonumuzda da qeyd olunmaqdadır.
Əlillərə qayğı onların sosial-məişət və digər problemlərinin həlli daim Cənab Prezident İlham Əliyevin diqqət mərkəzində olmuşdur.
Sonra komissiyanın üzvləri RİH-nin baş mütəxəssisi Leyla Mehtiyeva, QRGİİ-nin rayon sektorunun baş məsləhətçisi Fidan Nəsirli, QMƏVŞAİB-nin rayon şöbəsinin sədri Etibar Hüseynova, şəhər 2 nömrəli kitabxananın müdiri Nərgiz Cəfərova, həmçinin S.Behbudov adına şəhər 6 nömrəli tam orta məktəbin direktoru Vüsalə Məmmədova, Qadın Resurs Mərkəzinin psixoloqu Nüşabə Nağıyeva çıxış edərək əlillərin sosial müdafiəyə, mənəvi dəstəyə, humanist münasibətə ehtiyacı olduğunu, əlillərin hüquqlarının qorunmasının ən ümdə məsələlərdən biri olduğunu qeyd ediblər və ölkəmizdə əlillərə dövlət qayğısının ildən-ilə artdığını, fiziki qüsurlu insanların cəmiyyətə inteqrasiyasında və bacarıqlarının üzə çıxarılmasında önəmli addımların atıldığını, əlil uşaqların təhsil almaları üçün xüsusi təhsil müəssisələri və internat məktəblərinin yaradıldığını, onların əməklə məşğul olmaları üçün xüsusi iş yerlərinin açıldığını bildiriblər.
Tədbirdə əlil və fiziki məhdudiyyəti olan rayon sakinləri iştirak etmişdir.
Sonda qonaqlara hədiyyələr təqdim olunmuş, xatirə fotosu çəkilmişdir.
