Deyəsən, hərdən kötəklənməsə ağlı başına gəlmir
Otuz iki il özünü Cənubi Qafqazın hikkəli və nazlı gəlini kimi aparan Hayastan etdiyi günahlara və abırsızlığa görə sonda kötəkləndi, gözünün yaşına baxan olmadı, ona öz yeri göstərildi. Hətta iki yüz illik “ömür-gün yoldaşı” da onu tək buraxdı. Çünki o, qonaq qaldığı evdən oğurluq etmişdi. Hərçənd ki, oğurluq və gördüyünü çalmaq onun qədim peşələrindən yalnız biridir. El arasında deyim var: Oğurluqla filan məsələ 40 gün çəkir. Ancaq nazlı gəlin həyasızlıq edərək bu işləri 30 il uzatdı. İndi vaxtilə ev yiyəsindən oğurladığı əmlakları tələb edirlər, o isə iki ayağını bir başmağa soxub onları geri qaytarmaq istəmir. Torpaq üçün namusundan-qeyrətindən keçən haylar dirəşərək əyri yollarla çaldığı qiymətli şeylərin bir qismini özündə saxlamağa çalışır. Bəs necə, şərəfsiz yollarla neçələrinin saqqalının altından keçərək ələ gətirdikləri torpaq sahələrini geri qaytarmaq onlara çöçin gəlir. Gələk mətləb üstünə.
Bakı İrəvandan işğal altındakı 4 eksklav olmayan kəndin azad edilməsini tələb edir. Bu barədə Azərbaycan Respublikası Baş nazirinin müavini Şahin Mustafayevin ofisindən ətraflı məlumat yayılıb. “Azərbaycanın Ermənistan tərəfindən işğal edilmiş 4 eksklav olmayan kəndinə (Bağanis Ayrım, Aşağı Əskipara, Xeyrimli və Qızılhacılı) gəldikdə, onlar mübahisəsiz Azərbaycana məxsusdur və dərhal azad edilməlidir”, – deyə məlumatda qeyd olunub. Delimitasiya prosesi çərçivəsində Azərbaycanın Ermənistanın işğalı altında olan 4 eksklav kəndinin-Yuxarı Əskipara, Sofulu, Barxudarlı və Kərkinin azad edilməsi məsələsi də həll olunacaq. Baş nazirin müavinin ofisindən bildirilib ki, hazırkı mərhələdə komissiyaların fəaliyyəti çərçivəsində delimitasiya işlərinin aparılması üçün zəruri normativ-hüquqi bazanın yaradılması üzrə işlər aparılır.
Bakı guya Ermənistanın 31 kəndinə məxsus torpaqların Azərbaycanın “işğalı altında” olması barədə hökumət mənbələrindən qaynaqlanan informasiyanı qəti surətdə təkzib edib. Bildirilir ki, həmin kəndlər əraziləri ilə birlikdə otlaq, örüş sahəsi adı altında sovet hökumətinin cinayətkar qərarları ilə alınıb Ermənistana bağışlanıb. Ümumiyyətlə, Cənubi Qafqazda bir qarış ərazisi olmayan Ermənistanın kiminləsə torpaq davası çəkməyi gülüncdür və istehza doğurur. Ancaq haylarda hər çirkin sifət var. O vaxtdan işğal altında qalan kəndlərin dərhal azad olunması ilə bağlı Azərbaycanın tələbi Rusiya və Ermənistan mediasında ultimatum kimi qiymətləndirilib. Ancaq reaksiyalar müxtəlif məzmunlu olub. Hayların namərdliyindən əsəbiləşmiş Rusiyada bir çoxları şərəfsiz və satqın ermənilərin torpaq oğurluqlarını onlara xatırladaraq haqsız iddialarını ifşa edirlər. Hayların iddiasının səbəbi isə odur ki, İkinci Qarabağ müharibəsində ruslar niyə onların əvəzinə döyüşməyib. Rusların istər tarixçiləri, istər siyasətçiləri, istərsə də yüksək çinli dövlət məmurları olsun xəyanətkar hayların öz yerlərində oturdulmasını istəyirlər. Onlar hayların həm Rusiyaya, həm də Azərbaycana xəyanət etdiklərini vurğulayırlar.
Birinci və İkinci Qarabağ müharibələrində Azərbaycanın 8 kəndini işğal edən Ermənistan indiyədək həmin kəndləri boşaltmır. Bəhanə gətirir ki, Azərbaycan öz qoşunlarını guya ona məxsus olan 31 kəndin ərazisindən geri çəkməlidir. Prezident İlham Əliyev Ermənistan rəhbərliyinə dəfələrlə bildirib ki, biz qoşunlarımızı heç bir halda geri çəkməyəcəyik. Çünki ordumuzun durduğu yerlər ölkəmizin qədim torpaqlarıdır, ərazi hədiyyələrinin isə limiti qurtarıb. Ancaq Ermənistan sovet dövründə ya təzyiq, ya da 1990-cı illərdə müharibə yolu ilə qəsb etdiyi ərazilərimizi qeyd-şərtsiz tərk etməlidir.
Əgər Ermənistan bu tələbi yetirməzsə, yaxud ənənəsinə uyğun olaraq yubatmağa çalışarsa, Azərbaycan hansı addım ata bilər? Hayastan məsələnin danışıqlar yolu ilə həllinə əngəl yaradarsa, Qarabağda keçirilən qısamüddətli antiterror tədbirlərinin həmin ərazilərdə də təkrarlanması tamamilə gözləniləndir və qanunidir. Təbii ki, ərazilərimizi bu yerlərə gəlib qonmuş həyasız haylara verməyəcəyik ki! Haylar yaddan çıxarmasınlar ki, Qarabağ boyda ərazidə antiterror tədbirləri 23 saat 45 dəqiqə çəkdisə, 8 kəndin azad edilməsi üçün cəmi 3-4 saat vaxt sərf oluna bilər. Əlbəttə, haylar dərk etməlidirlər ki, bunun üçün Azərbaycan daha otuz il də gözləməyəcək.
