Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Xızı Rayon Komissiyası tərəfindən “Narkotik vasitələrin, psixotrop maddələrin və onların prekursorlarının qanunsuz dövriyyəsinə qarşı mübarizəyə dair 2019-2024-cü illər üçün Dövlət Proqramı”nda nəzərdə tutulmuş tədbirlərin icrası ilə əlaqədar yetkinlik yaşına çatmayanların və gənclərin təlimtərbiyəsinə, məşğulluğuna, asudə vaxtlarının səmərəli təşkilinə diqqətin artırılması, idman, incəsənət və ictimai-faydalı əməklə məşğul olmaları üçün şəraitin yaradılması, narkotiklərə meyilli şəxslər barəsində vaxtında qabaqlayıcı profilaktik tədbirlərin görülməsi istiqamətində müvafiq işlər görülmüşdür.
Belə ki, 08 aprel 2024-cü il tarixində C.Cabbarlı adına Xızı Rayon Mədəniyyət Mərkəzi, Xızı Rayon Heydər Əliyev Mərkəzi və rayon Mərkəzi Kitabxanasının birgə təşkilatçılığı ilə Oqtay Həsənov adına Tıxlı kənd ümumi orta məktəbində narkomaniyaya qarşı mübarizəyə dair “Ağ ölümdən qurtulaq” adlı maarifləndirici tədbir keçirilmişdir. Tədbirdə narkomaniyanın insanlara vurduğu fiziki, psixi və mənəvi zərərlərinin uzun müddət qalıcı olduğunu vurğulanmış, ümumilikdə yaranan bu asılılığın cəmiyyəti məhvə apardığı bildirilmişdir. Ölkəmizdə narkomaniya ilə mübarizə tədbirlərinin geniş miqyasda həyata keçirildiyini qeyd edən məruzəçilər məktəbliləri və gəncləri, xüsusən, pedaqoqları bu maarifləndirmə işlərinin bilavasitə iştirakçısı və təşkilatçısı olmağa çağırmışlar.
15 aprel 2024-cü il tarixində Xızı rayonunun ümumtəhsil məktəblərinin yuxarı sinif şagirdləri ilə “Zərərli vərdişlər: alkoqolizm ve narkomaniya” mövzusunda maarifləndirici söhbətlər aparılmışdır.
17 aprel 2024-cü il tarixində Xızı Rayon İcra Hakimiyyəti, Abşeron-Xızı Regional Gənclər və İdman İdarəsi, rayon Polis şöbəsi və Abşeron-Xızı Regional Təhsil İdarəsinin birgə təşkilatçılığı ilə Mikayıl Müşfiq adına Giləzi qəsəbə tam orta məktəbində yeniyetmə və gəncləri sağlam həyat tərzinə təşviq etmək, narkomaniya, tütün, alkoqol və digər psixotrop maddələrin mənfi təsiri ilə bağlı gəncləri məlumatlandırmaq məqsədilə “Narkomaniya bəşəriyyətin bəlasıdır” adlı maarifləndirici tədbir keçirilmişdir.
Yeni Azərbaycan Partiyası (YAP) Mərkəzi Aparatının, “Azərbaycan Televiziyası və Radio Verilişləri” Qapalı Səhmdar Cəmiyyətinin və Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən İşçi Qrupunun 2024-cü ilə dair imzalanmış birgə Tədbirlər Planına uyğun olaraq 30 may 2024-cü il tarixində Xızı rayonunda “Cəmiyyəti təhdid edən bəlaya qarşı birgə mübarizə aparaq!” mövzusunda tədbir keçirilmişdir. “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2019-2024-cü illər üçün Dövlət Proqramı” çərçivəsində keçirilmiş tədbirdə sağlam cəmiyyət naminə zərərli vərdişlərə qarşı mübarizə, müasir dövrdə gənclərin zərərli vərdişlərdən qorunması, gənclərin daha çox bilik qazanması, sağlam həyat tərzinə üstünlük verməsi, eyni zamanda, narkomaniyanın nə qədər zərərli və təhlükəli olması haqqında edilmiş geniş çıxışlarda yeniyetmə və gənclərimizin təlim-tərbiyəsi, elmə, təhsilə və idmana marağının artırılması da onların zərərli vərdişlərdən uzaqlaşdırılmasına yönəlmiş məlumatlar verilmişdir.
12 iyul 2024-cü il tarixində Xızı Rayon Mərkəzi Kitabxana filialında narkomaniyanın qarşısının alınması məqsədilə “Ağ ölümə “yox” deyək” mövzusunda tədbir keçirilmişdir. Tədbirdə şagirdlərə dövrümüzün ağır bəlasına çevrilmiş narkomaniyanın zərərləri, insan sağlamlığı üçün törətdiyi təhlükə, narkotik vasitələrə yaranan asılılıq və eləcə də, ölkəmizdə narkomanlığa qarşı aparılan mübarizə tədbirləri haqqında geniş məlumatlar verilmişdir.
20 avqust 2024-cü il tarixində Xızı Rayon İcra Hakimiyyəti, Abşeron-Xızı Regional Gənclər və İdman İdarəsi və “Sağlam Yaşa” Gənclərin Maarifləndirilməsi İctimai Birliyinin birgə təşkilatçılığı ilə Rafiq İsmayılov adına Xızı şəhər tam orta məktəbində “Narkomaniya bəşəriyyətin bəlasıdır” adlı maarifləndirici görüş keçirilmişdir.
20 avqust 2024-cü il tarixində Xızı Rayon İcra Hakimiyyəti və “Sağlam Yaşa” Gənclərin Maarifləndirilməsi İctimai Birliyinin birgə təşkilatçılığı ilə Rafiq İsmayılov adına Xızı şəhər tam orta məktəbində rayon ictimaiyyətinin, ziyalıların, gənclərin və məktəblilərin iştirakı ilə “Narkomaniya bəşəriyyətin bəlasıdır” adlı maarifləndirici tədbir keçirilmişdir. Tədbirdə narkomaniyanın mümkün fəsadları, xüsusilə, gənc nəslin inkişafında yaratdığı ciddi təhlükələr barədə geniş maarifləndirici məruzələr edilmiş, dövlətin, millətin, xalqın gələcəyinin sağlam, etibarlı gənclikdən asılı olduğu qeyd edilmişdir. Buna görə də, gənc nəslin sağlam ruhda tərbiyəsi dövlətin və cəmiyyətin əsas vəzifəsi hesab olunur. Edilən çıxışlar zamanı narkomaniyanın insanlara gətirdikləri xəstəliklərdən, ondan xilas olmağın çətin bir proses olmasından danışılmış və rayonda bu sahədə gənclərlə müntəzəm maarifləndirici söhbətlərin yüksək əhəmiyyət daşıdığı vurğulanmışdır. Keçirilmiş tədbirə dair məlumatlar və fotoşəkillər Xızı Rayon İcra Hakimiyyətinin rəsmi saytında və sosial şəbəkə hesablarında paylaşılmışdır.
Ceyhun İsgəndərov,
Xızı Rayon İcra Hakimiyyətinin Sənədlərlə və vətəndaşların müraciətləri ilə iş şöbəsinin müdiri
