Nazirlər Kabinetinin müvafiq qərarına, eləcə də həmin qərarın icrası ilə əlaqədar yol hərəkəti təhlükəsizliyi komissiyasının 1 saylı protokoluna uyğun olaraq, xüsusi təyinatlı o cümlədən, qəza-bərpa və xilasedici nəqliyyat vasitələri istisna olmaqla, icazə verilən maksimum kütləsi 5 tondan çox olan avtomobillərin hərəkəti Bakı şəhəri üzrə mövsümə əsasən müəyyən edilib.
Belə ki, 1 may-1 oktyabr aralığında axşam saat 21:00-dan səhər saat 7:30-dək, 1 oktyabr-1 may aralığında isə axşam saat 20:00-dan səhər saat 7:30-dək yük avtomobillərinin paytaxta daxil olmasına icazə verilir.
8 tondan yuxarı yük daşıyan avtomobillər isə yalnız axşam saat 22:00-dan etibarən paytaxt ərazisinə daxil ola bilər.
Ağır tonnajlı yük maşınlarının Bakı şəhərinə gündüz saatlarında buraxılmaması ilə bağlı qadağa qoyulsa da, buna demək olar əməl edən yoxdur.
Bu gün səhər saat 11 radələrində Bakı-Sumqayıt yolunda hərəkət edən ağır tonnajlı yük maşınları paytaxta giriş ediblər.
Musavat.com bununla bağlı görüntüləri təqdim edir:
