QLOBAL, ELMİ ARAŞDIRMA
Axirətə inam imanın məhsuludur, yoxsa uşaqlıqdan aşılanmış dünya görüşü? Sualı cavablamağa çalışan qlobal araşdırmanın nəticələri “Scientific Reports” jurnalında dərc olunub. Nəticələrdə buna səbəb erkən yaşda uşaqların yas mərasimində iştirakı göstərilib.
Ölümdən sonra həyata inamı formalaşdıran amilləri araşdırmaq üçün tədqiqatçılar 22 ölkədə 202 000-dən çox böyüklər arasında sorğu aparan Global Flourishing Study-nin məlumatlarından istifadə ediblər.
Xüsusilə 12 yaşından əvvəl istənilən dini ənənəyə uyğun yas mərasimində iştirak edənlərin böyük qisminin axirətə inancı formalaşır, deyə araşdırma nəticələrində bildirilir.
Bundan əlavə, kilsə, məscid, ehramlarda keçirilən dini ayinlərdə iştirak, ailədaxili, ölkədaxili qeyd edilən dini bayramlar da axirətə inamı formalşadıran amillərdən biri kimi qeydə alınıb.
