Əməkdar artist Firuzə İbadova mərhum duet ortağı Cavanşir Məmmədovla haqqında yayılan iddialara cavab verib.
Bu barədə sənətçi “Bir gün” verilişində danışıb.
O, C. Məmmədovun məzarı başında sevgililik iddialarından söz açıb:
“Bizi bir-birimizə, boyumuzu, simamızı yaraşdırırdılar. Hətta deyirdilər Firuzə xanım Cavanşir müəllimin xalası qızıdır. Cavanşir müəllimlə aramda sənət sevdası olub, sevgi yox idi. Onun sevgisi öz ailəsində idi. Allahdan qorxun, burda elə şeyləri açıqlayıram ki… Nöqtə qoyuram.
Cavanşir müəllim mənim sevgilim deyildi, sənətinə sevgim var idi. Qadın-kişi münasibəti olsa, bu qədər uzun çəkməzdi, mən işimdə olardım, toylara gedərdim. O, vəfat edəndə dedim ki, sənət aləmində tək qaldım. Qadın kimi niyə tək qalım ki? Ailə ərdən, ya da xanımdan ibarət deyil. Cavanşir müəllim sənət dostum, məni qoruyan insan idi”. (Bizim.Media)
