Category: İdman

“Böyük fəxrlə, şərəflə oyunumuzu Xankəndidə keçirərik”. Bunu “Report”a açıqlamasında “Qarabağ”ın baş direktoru Emrah Çelikel MOİK-ə qarşı Azərbaycan Kubokunun 1/8 final mərhələsi matçının Xankəndidə təşkil edilməsi variantına münasibət bildirərkən deyib. Klub rəsmisi hələlik bu barədə onlara rəsmi məlumat daxil olmadığını sözlərinə əlavə edib: “Bununla bağlı xəbərləri mən də mətbuatdan oxuyuram. Lakin matçın Xankəndidə baş tutacağı barədə rəsmi məlumat hələ ki yoxdur. Harada çıxış etməyimizdən asılı olmayaraq, hazırlıqlarımızı normal qaydada davam etdiririk”. Qeyd edək ki, Azərbaycan Kubokunda 1/8 final mərhələsinin oyunları dekabrın 19-21-də keçiriləcək.

Read More

Bakıda Beynəlxalq Avtomobil Federasiyası (FIA) həftəsi davam edir. Bu gün səhər saatlarından FIA  prezidenti Mohammed Ben Sulayemin iştirakı ilə FIA Baş Assambleyası çərçivəsində iclaslar başlayıb. Qeyd edək ki, FIA həftəsində iştirak etmək üçün dünyanın müxtəlif ölkələrindən avtomobil təşkilatları, avtomobil idmanının görkəmli simaları Bakıda bir araya gəliblər. İllik və ya növbədənkənar çağırılan Baş Assambleya FIA-nın ali qərarverici orqanıdır və Beynəlxalq Avtomobil Federasiyasının üzv təşkilatlarını təmsil edən avtoidman federasiyalarından (klublardan) və mobillik sahəsində fəaliyyət göstərən klublardan ibarətdir. Hər il fərqli ölkələrdə keçirilən bu tədbirin məqsədi avtomobil idmanı və sənayesi sahəsində müxtəlif mövzuları…

Read More

UEFA Sloveniyanın “Olimpiya” klubunun “Qarabağ”a qarşı Avropa Liqasının pley-off mərhələsinin ilk oyunu ilə bağlı verdiyi apellyasiya şikayətini rədd edib. Qitə futbol qurumunun rəsmi saytı xəbər verir ki, təşkilatın Nəzarət, Etika və İntizam Komitəsinin sentyabrın 28-də verdiyi qərar qüvvədə saxlanılıb. Qeyd edək ki, Lyublyanadakı qarşılaşmada “Olimpiya” meydana əşyaların atılmasına görə 22 625, komandanın düzgün olmayan davranışına görə isə 4 500 avro cərimələnib. Görüş Azərbaycan çempionunun 2:0 hesablı qələbəsi ilə başa çatmışdı. Bakıda rəqibi ilə 1:1 hesablı heç-heçə edən “köhlən atlar” turnirin qrup mərhələsinə yüksəlib.

Read More

Bu gün qadın futbolçulardan ibarət Azərbaycan millisi UEFA Millətlər Liqasında sonuncu matçını keçirəcək. “Report”un məlumatına görə, Siyasət Əsgərovun baş məşqçisi olduğu komanda Farer adalarını qəbul edəcək. “Dalğa Arena”da gerçəkləşəcək qarşılaşma saat 19:00-da start götürəcək. C Liqasının 3-cü qrupunun digər matçında Kipr millisi Monteneqronun qonağı olacaq. Həmin görüş də eyni vaxtda başlayacaq. Yığmamız 13 xalla qrup liderliyini ötən turda təmin edib və B Liqasına yüksəlib. Monteneqro 9 xalla ikinci, Kipr 7 xalla üçüncü, xalı olmayan Farer adaları isə sonuncudur.

Read More

“Qarabağ”ın dekabrın 21-də ölkə kubokunun 1/8 final mərhələsində MOİK-lə Xankəndi şəhərində keçirəcəyi görüşü ilə bağlı bəzi yeniliklər məlum olub. APA xəbər verir ki, bu görüşdə azarkeşlərin iştirakı sual altında idi. Artıq bu məsələyə də aydınlıq gəlib. Xankəndi şəhər stadionunda azarkeşlər də öz yerini tutacaqlar. Bu matça azarkeşlərin aparılmasına da qərar verilib. Amma hələlik azarkeşlərin tam sayı konkretləşməyib. Oyuna nə qədər biletin satışa çıxarılacağı və bunun necə həyata keçiriləcəyi tam dəqiqləşməyib. “Qarabağ” – MOİK qarşılaşmasına bilet satışının yaxın vaxtlarda elan oluna biləcəyi gözlənilir.

Read More

Futzal üzrə Avropa çempionatının seçmə mərhələsinin oyun təqvimi açıqlanıb. Bu barədə Azərbaycan Futzal Federasiyası məlumat yayıb. Bildirilib ki, ilkin mərhələnin püşkü 2024-cü il yanvarın 25-də atılacaq. Oyunlar isə aprelin 8-dən 17-dək keçiriləcək. Həmin raundda uğur qazanacaq millilər mübarizəyə birbaşa əsas mərhələdən başlayacaq komandalara qoşulacaqlar. Azərbaycan millisinin mübarizəyə qoşulacağı əsas mərhələnin püşkatma mərasimi 2024-cü il iyulun 17-də təşkil olunacaq. Burada ilk oyunlar ev-səfər sistemi ilə 9-18 dekabr 2024-cü il tarixlərində baş tutacaq. Digər qarşılaşmalar 2025-ci il yanvarın 27-dən fevralın 5-dək, 3-12 mart və 7-16 aprel aralıqlarında reallaşacaq. Pley-offun püşkü 15 may, oyunları 15-24 sentyabr 2025-ci…

Read More

Azərbaycan UEFA reytinqində xal ehtiyatını artırıb. “Report”un məlumatına görə, bu, “Qarabağ”ın UEFA Avropa Liqasının qrup mərhələsinin V turunda Norveçdə “Molde” ilə heç-heçə (2:2) etməsi sayəsində mümkün olub. Bu bərabərlik sayəsində ölkə reytinqinə daha 0,250 xal əlavə edilib. Azərbaycan hazırda 18,125 əmsalla 29-cu pillədə qərarlaşıb. Cari mövsümdəki əmsal isə 3,875-ə çatıb. UEFA-nın qərarı ilə klubları avrokuboklarda iştirak etməyən Rusiya 18,632 xalla 28-ci sıradadır. Reytinqə 98,678 əmsalla İngiltərə başçılıq edir. İspaniya (84,739) ikinci, İtaliya (80,998) isə üçüncü pillədə qərarlaşıb.

Read More

Bu gün futbol üzrə Azərbaycan Kubokunda ikinci təsnifat mərhələsinə yekun vurulacaq. “Report”un məlumatına görə, son olaraq daha iki oyun keçiriləcək. “Şamaxı” “Zaqatala”nın, “Mingəçevir” isə “İmişli”nin qonağı olacaq. Hər iki görüş saat 13:30-da başlayacaq. 30 noyabr (cümə axşamı) 13:30. “Zaqatala” – “Şamaxı” Hakimlər: Fərid Hacıyev, Taleh Məmmədov, Qəzənfər Məmmədov, Mahmud Bağırzadə. Hakim-inspektor: Əmrah İbrahimov. AFFA nümayəndəsi: Erkin Hüseynov. Zaqatala Olimpiya İdman Kompleksinin stadionu (canlı, “AzPFL”) 13:30. “İmişli” – “Mingəçevir” Hakimlər: Kamran Əliyev, Zöhrab Abbasov, Teymur Teymurov, Murad Səlimli. Hakim-inspektor: Rəhim Həsənov. AFFA nümayəndəsi: Seymur Səlimli. İmişli şəhər stadionu (canlı, “CBC Sport”)…

Read More

“Qarabağ” bu gün UEFA Avropa Liqasının qrup mərhələsində növbəti oyununu keçirəcək. Qurban Qurbanovun baş məşqçisi olduğu kollektiv Norveçdə “Molde”nin qonağı olacaq. Qarşılaşma Bakı vaxtı ilə saat 00:00-da start götürəcək. Görüşü Erik Lambrextsin başçılıq etdiyi belçikalı hakimlər briqadası idarə edəcək. Altı xala malik komandalar H qrupunda ikinci-üçüncü yerləri bölüşdürürlər. Azərbaycan çempionu qələbə qazanacağı təqdirdə Avropa Liqasının pley-off mərhələsinə vəsiqəni rəsmiləşdirəcək. Qrupun digər matçında Almaniyanın “Bayer 04” klubu İsveçdə “Hakken”in qonağı olacaq. Bu oyun da eyni saatda başlayacaq. UEFA Avropa Liqası Qrup mərhələsi, V tur 00:00. “Molde” (Norveç) – “Qarabağ” (Azərbaycan) Baş…

Read More

Bu gün “Qəbələ”nin 19 yaşadək futbolçulardan ibarət komandası UEFA Gənclər Liqasında növbəti oyununu keçirəcək. “Report”un məlumatına görə, Famil Xəlilovun baş məşqçisi olduğu kollektiv turnirin II mərhələsində Yunanıstanda “Olimpiakos”un qonağı olacaq. Qarşılaşma Bakı vaxtı ilə saat 19:00-da start götürəcək. “Qırmızı-qaralar” Qəbələdə gerçəkləşən ilk matçda rəqibinə 0:3 hesabı ilə məğlub olub. Qeyd edək ki, “Qəbələ” I təsnifat mərhələsində Macarıstanın “Puşkaş Akademiya” klubunu üstələyib – 1:1, 1:0.

Read More